Amo timomachiliskej toselti komo tikinpaleuiaj oksekin | ¿Toni kijtoua Biblia?

Noyampa taltikpak, miakej momachiliaj ininselti uan amo mouikaj iniuan oksekin. Sekin taixmatinij kijtouaj ke tepaleuia maj kuali se momachili komo se kinpaleuia oksekin.

• “Komo se kinpaleuia oksekin. tepaleuia maj kuali se momachili uan maj amo se momachili se iselti nion maj nochipa se iselti se yeto” (Institutos Nacionales de la Salud, de Estados Unidos).

Biblia techiluia toni uelis tikchiuaskej para tikinpaleuiskej oksekin. Komo tikchiuaj nejon, techpaleuia maj amo timomachilikan toselti.

Tein uelis tikonchiuas

Xiontemaka tein tikonpia. Xikonmaka oksekin tein tikonpia, kemej motiempo. Xikontemo tionmosentilis iniuan oksekin para iniuan tionyetos. Keman tikonchiuas nejon, yejuan kitasojkamatiskej uan tapaleuis kuali ximouikakan.

• Tajkuilol: “Xiksentokakan xiktemakakan tein nankipiaj, uan namechmakaskej” (Lucas 6:38).

Xiontepaleui. Xikonita keniuj uelis tikonpaleuis akin kipanotokej ouijkayomej. Xa uelis tikonkakis tein kipanouaj, xikonnexti ke tikontasojta uan xikontajtani toni ika uelis tikonpaleuis.

• Tajkuilol: “Akin yekmelauj totasojikniuj nochipa techtasojta” (Proverbios 17:17).

Komo tikonneki tikonmatis keniuj uelis kuali tionmouikas iniuan oksekin, xikonlero tamachtilis “Maj kuali timouikakan iniuan tochankauan uan oksekin”.