Para okachi kuali titetlapouiskej: Xikinpaleui akinmej yolkualmej ma kichiuakan ken Cristo

¿TLEKA MIAK IPATI?: Jehová kinpaleuia akinmej kinekij techkakiskej ijkuak tikintlapouiaj uan ijkon uelis momakixtiskej (Hech. 13:48; 1 Cor. 3:7). Titekipanoaj iuan Jehová ijkuak tikinmachtiaj ma kichiuakan tlen kijtoa iTlajtol (1 Cor. 9:26). Moneki kajsikamatiskej tla kinekij momakixtiskej, moneki moapolaktiskej (1 Ped. 3:21). Tla tiknekij ma kichiuakan ken Cristo akinmej tikinmachtiaj, moneki tikinpaleuiskej ma kipatlakan innemilis, ma tetlapouikan, ma kinmachtikan oksekimej uan ma motemakakan ixpan Jehová (Mat. 28:19, 20, TNM).

¿KEN TIKCHIUAS?

• Akinmej tikinmachtia, xikinmilui moneki kixmatiskej Jehová uan kuali iuan mouikaskej (Juan 17:3).

• Tla kinekij kitekichiuiliskej Jehová, moneki tikinpaleuis ayakmo ma kichiuakan tlen amo kuali uan ayakmo ma mouikakan iuan akinmej amo kitekichiuiliaj Jehová.

• Xikinyolchikaua ijkuak ayamo moapolaktiaj uan noijki ijkuak yomoapolaktijkej (Hech. 14:22).

IJKUAK YOTIKITAK VIDEO JEHOVÁ MITSPALEUIS, XIKINNANKILI NINMEJ TLAJTLANILMEJ:

• ¿Tleka ualeua akin momachtia amo motemaka ixpan Jehová uan amo moapolaktia?

• ¿Ken uelis tlayekankej kinpaleuiskej akinmej momachtiaj Biblia ma kitekichiuilikan Jehová?

• ¿Tlen techmachtia Isaías 41:10?

• ¿Tlen moneki tikchiuaskej para kuali tiktekichiuiliskej Jehová maski titlajtlakolejkej?