CIJIJO 30
Hama no Shamwari Jenyu Jakafa Jinozoraramazve Here?
Kufirwa kunowaja uye kunoviisa matambujiko. Ngo zvinoita kuti Bhaibheri riti rufu muvengi wedu. (1 VaKorinde 15:26) Mucijijo 27, takajija kuti Jehovha unozopalaja muvengi uwu. Asi zvicinyi zvinozoitika kuno vandhu vakafa? Mucijijo cino tinozojija zviro zvinodakaja zvatinogondeswa ndi Jehovha: Iyena unozomusa mamiliyau no mamiliyau o vandhu kuti vazorarama nokusingaperi. Kubhuya kuti izvi zvinozoitika kamare? Vandhu vakafa, vanozomuswa kuti vararame kudenga kana kuti pasi pano?
1. Jehovha unoda kuitenyi kuno hama no shamwari jedu jakafa?
Jehovha unoda maningi kumusa vakafa kuti vararamezve. Mwanarume umweni wainga akagondeka waizwi Jobho wainga no cokwadi cokuti Jehovha aasaizomukanganwa kudai akafa. Iyena wakati kuna Mwari: ‘Munozondidanija uye inini ndinozodavira pandinonga ndiri mu Guva.’—Verenganyi Jobho 14:13-15.
2. Tinozvizivisa kudini kuti vakafa vanozomuswa?
Jesu paainga ari pasi pano, wakapuwa simba ndi Mwari kuti amuse vandhu vakafa. Inga muezaniso, Jesu wakamusa musikane umweni wo gumi na maviri omakore uye no mwana wo noni imweni. (Mako 5:41, 42; Ruka 7:12-15) Uye wakamusawo shamwari yake Razaro. Kunyange Razaro wainga aanomazuva malongomuna ari muguva, Jesu wakamumusa kuti araramezve, Jesu wakaita mukumbiro kuna Mwari, opeja oti: “Razaro, budai kunja!” Uye ‘mwanarume uwu wainga akafa wakabuda kunja’ ari mupenyu! (Johani 11:43, 44) Langariranyi kuti ukama no shamwari jake, vakazwa kudini pavakamuwona!
3. Isoterero ipi iripo ku hama no shamwari jenyu jakafa?
Bhaibheri rinogondesa kuti: ‘Kunozova no kumuka kovakafa.’ (Mabasa 24:15) Vandhu vakamuswa ndi Jesu kareko, avato kuenda kudenga. (Johani 3:13) Ivona vakadakala maningi ngokumuswa kuti vararamezve pasi pano. Mukutojanawo, mbaimbai pano Jesu anozomusa vakafa kuti vararame nokusingaperi mu paradhiso pasi pano. Iyena wakati “vese vari mumakuva ovanoyeukwa” vanozomuswa kuti vararamezve. (Johani 5:28, 29) Izvi zvinoda kubhuya kuti vese vari mumakuva anolangarirwa ndi Mwari, vanozomuswa kuti vararamezve kunyange na vaya vokuti apana usavalangarira.
JIJANYI ZVIZINJI
Jijanyi zviri mu Bhaibheri zvinokhombija kuti vakafa vanozomuswa uye kuti izvi zvinozoitika kamare. Jijanyizve kuti kumuswa kovakafa kungamunyalaja nokumupa soterero.
4. Jesu wakakhombija kuti unokona kumusa vandhu vakafa
Jijanyi zvizinji zvakaizwa ndi Jesu ku shamwari yake Razaro. Verenganyi Johani 11:14, 38-44, mapeja bhuisananyi ngo muvhunjo jinotevera:
Tinozvizivisa kudini kuti Razaro wainga akafa kamare? —Wonanyi vhesi 39.
Jesu wakamusa Razaro kuti araramezve pasi pano, kudai Razaro wainga akaenda kudenga, munolangarira kuti zvaizova zvakanaka here kuti Jesu amuviise panyika?
5. Vandhu vakawanda vanozomuswa!
Verenganyi Mapisarema 37:29, mapeja bhuisananyi ngo muvhunjo unotevera:
Mamiliyau no mamiliyau o vandhu vanozomuswa, Vanozoraramira kupi?
kunja kokumusa basi vanamati vakagondeka va Jehovha, Jesu unozomusawo vandhu vamweni. Verenganyi Mabasa 24:15, mapeja bhuisananyi ngo muvhunjo unotevera:
Panozomuswa vandhu vakafa ndiyani womaizoda kuwona?
Zvakareruka maningi kuti baba vamuse mwana wavo akavata. Mukutojanawo, zvakarerukawo maningi kuna Jesu kuti amuse mundhu akafa.
6. Rumuko rungamunyalaja nokumupa soterero
Kuverenga mu Bhaibheri ngo zvakaitika no mwana wa Jairosi, zviri kupa maningi nyalajo no vangiso kuno vaya vakambofirwa ngo mundhu wovanoda. Verenganyi ngo zvo ndhorowondho iyi pana Ruka 8:40-42, 49-56.
Jesu asati amusa mwana wa Jairosi uwu, iyena wakavhunja Jairosi kuti: “Usathya, asi ivayi no rutendo.” (Wonanyi vhesi 50.) Soterero yo rumuko ingamubesa kudini . . .
pamunonga mafirwa ngo mundhu wamunoda?
kudai upenyu wenyu uri pa ngozi?
Wonanyi VHIDHIYO, mapeja bhuisananyi ngo muvhunjo unotevera:
Soterero yo rumuko yakanyalajisa kudini nokuvangisa vabereki va Filisiti?
VAMWENI VANOTI: “Shwiro yo kuti vandhu vakafa vanozomuswa inonesa kuitenda.”
Imwimwiwo munoti kudini?
Maizoshandisa vhesi ipi kuti mukhombije kuti vandhu vakafa vanozomuswa?
TAJIJENYI
Tajija kuti Bhaibheri rinotithembesa kuti mamiliyau no mamiliyau o vandhu vakafa vanozomuswa kuti vararamezve. Jehovha unoda kuti vandhu vakafa vararamezve, uye wakapa simba Jesu kuti avamuse.
Muvhunjo Jokuhwirijira
Jehovha na Jesu vanoda kuitirenyi vandhu vakafa?
Mamiliyau no mamiliyau o vandhu vakafa vanozomuswa kuti vararame kudenga kana kuti pasi pano? Ngenyi madalo?
Muno cokwadi here cokuti vandhu vamunoda vakafa vanozomuswa? Ngenyi madalo?
JIJANYI ZVIMWENI
Wonanyi mazano angamubesa kuti mucungirire kudai mukafirwa.
Mazano ari mu Bhaibheri anobesa maningi vaya vanonga vafirwa.
Vana vadoko vangaitenyi kuti vacungirire kudai vakafirwa?
Kuno vanozomuswa kuti vaende koorarama kudenga here? Pano vasingazomuswi here?