CIJIJO 54
‘Muranda Wakagondeka, Wakangwara’ Unoita Basa Renyi?
Jesu ndiyena musoro wo ungano yo Cikristu. (VaEfeso 5:23) Zvino ari kutungamirira vanamati vake vari pasi pano ari kudenga esishandisa, ‘muranda wakagondeka, wakangwara.’ (Verenganyi Mateu 24:45.) Jesu ndiyena wakagaja ‘muranda wakagondeka’ no kumupa simba lokutungamirira, iyena unolamba ari muranda wa Kristu esishandira hama ja Kristu. Ndiyani muranda enawo? Unotibesa kudini?
1. ‘Ndiyani muranda wakagondeka, wakangwara’?
Kuvhira kare, Jehovha uno mundhu kana kuti cikwata co vandhu caanoshandisa pakutungamirira vandhu vake. (Maraki 2:7; na VaHebheru 1:1) Vapostori no vakuru voku Jerusarema vaiitawo zvimwezvo, izvi ngo zviri kuizwawo mazuva ano. (Mabasa 15:2) Jehovha unoshandisa cikwata cidoko co vakuru, kuti cipe zvokurhya zvokunamata vandhu vake, no kuwonerera basa lokuparijira. Cikwata ici cinozwi Dare Rinotungamirira lo Zvapupu zva Jehovha. Ivona vanoumba ‘Muranda wakagondeka, wakangwara akagajwa ndi Jesu Kristu’ kuti atungamirire. (Mateu 24:45a) Vese vanoumba cikwata co Dare Rinotungamirira, Vakristu vakazojwa ngo mweya mupsene. Ivona vanosoterero yokuzoenda kootonga na Jesu kudenga kudai upenyu wavo wo pa nyika pano wapera.
2. Muranda wakagondeka urikupisa kudini zvokurhya zvokunamata kuvandhu va Mwari?
Jesu wakati muranda wakagondeka ‘waizopa zvokurhya zvokunamata kuvateveri Vakristu panguva kwayo.’ (Mateu 24:45b) Kudai inga zvokurhya zvinotiita kuti tive no utano wakanaka, zvokurhya zvokunamata kana kuti ndhungamiriro jinovha musoko la Mwari, jinotipa simba latinoda kuti tilambe takagondeka uye tiite basa latakapuwa ndi Jesu. (1 Timoti 4:6) Zvokurhya izvi tinozviwanira kuvhira kumusangano yo ungano, ku magungano, mu mabhuku no mu mavhidhiyo akavakirwa mu Bhaibheri. Zvokurhya izvi, zvinotibesa kuzwisisa zvinoda Mwari no kuvangisa ushamwari wedu naye.
JIJANYI ZVIZINJI
Wonanyi kuti ngenyi tinodikana kuva no ‘muranda wakagondeka, wakangwara’ kana kuti Dare Rinotungamirira.
Dare Rinotungamirira, rinowonerera zvapupu zva Jehovha zvo nyika yese, resivapa zvokurhya zvokunamata, ndhungamiriro na zviya zvovanoda
3. Vandhu va Jehovha vanodikana kuva vakarongeka
Resishandisa ndhungamiriro ja Jesu, Dare Rinotungamirira rinoronga basa lo Zvapupu zva Jehovha, izvi ndizvona zvaiizwawo ngo Vakristu vokutanga. Wonanyi VHIDHIYO.
Verenganyi 1 VaKorinde 14:33, 40, mapeja bhuisananyi ngo muvhunjo unotevera:
Vhesi iyi, inokhombijisa kudini kuti Jehovha unoda kuti vanamati vake vave vakalongeka?
4. Muranda wakagondeka unoronga basa redu lokuparijira
Kuparijira lainga basa laikosha maningi laizwa ngo Vakristu vokutanga. Verenganyi Mabasa 8:14, 25, mapeja bhuisananyi ngo muvhunjo jinotevera:
Mu nguva yo kare, ndiyani waiwonerera basa lokuparijira?
Pedhru na Johani, vakaashira ndhungamiriro jovakapuwa ngo vapostori vamweni here?
Basa rinokosha maningi lo Dare Rinotungamirira, ngo lo kutungamirira basa lokuparijira. Wonanyi VHIDHIYO.
Jesu wakabhuya kuti zvinokosha maningi kuparijira masoko akanaka. Verenganyi Mako 13:10, mapeja bhuisananyi ngo muvhunjo jinotevera:
Ngenyi kuparijira masoko akanaka ciro cinokosha maningi ku dare rinotungamirira?
Ngenyi tinoda kuti ‘muranda wakagondeka’ aronge basa iri lo nyika yese?
5. Muranda wakagondeka unotipa ndhungamiriro
Dare Rinotungamirira rinopa ndhungamiriro ku Vakristu vo nyika yese. Ivona vanokhetesa kudini ndhungamiriro jinonga jesidiwa? Wonanyi kuti dare rinotungamirira lo nguva yo kare laizviitisa kudini. Verenganyi Mabasa 15:1, 2, mapeja bhuisananyi ngo muvhunjo jinotevera:
Zvicinyi zvakaita kuti Vakristu vopakutanga vapopotejane?
Pauro na Bhanabhasi no Vakristu vamweni vakapsaka ani kuti vatonge shwiro iyi?
Verenganyi Mabasa 15:12-18, 23-29, mapeja bhuisananyi ngo muvhunjo unotevera:
Risati raronga kuita ciro, dare rinotungamirira lo munguva yo vapostori raitanga rapsaka ndhungamiriro ja Mwari, ivona vaizviitisa kudini? —Wonanyi mavhesi 12, 15, na 28.
Verenganyi Mabasa 15:30, 31 na 16:4, 5, mapeja bhuisananyi ngo muvhunjo jinotevera:
Kubhuya kuti Vakristu vokare, vaiashira ndhungamiriro jovaipuwa ngo Dare Rinotungamirira lo mu nguva yavo here?
Jehovha wakakomboreresa kudini kuzwira kavo?
Verenganyi 2 Timoti 3:16 na Jakobho 1:5, mapeja bhuisananyi ngo muvhunjo unotevera:
Mazuva ano, Dare rinotungamirira ringada kuita ciro, rinopsaka kupi ndhungamiriro?
VAMWENI VANOTI: “Kudai meizwira Dare rinotungamirira munonga mesitozwirawo vandhu havo.”
Zvicinyi zvinomuthembesa kuti Dare Rinotungamirira riri kutungamirirwa ndi Jesu Kristu?
TAJIJENYI
Tajija kuti Dare Rinotungamirira, ‘muranda wakagondeka, wakangwara’ wakagajwa ndi Jesu Kristu. Tajijazve kuti hama iji jinopa ndhungamiriro no zvokurhya zvokunamata ku Vakristu vo nyika yese.
Muvhunjo Jokuhwirijira
Ndiyani wakagaja ‘muranda wakagondeka, wakangwara’?
Dare Rinotungamirira rinotibesa kudini mazuva ano?
Munotenderana nazvo kuti Dare rinotungamirira, ‘muranda wakagondeka, wakangwara here’?
JIJANYI ZVIMWENI
Wonanyi kuti Dare Rinotungamirira rinoitisa kudini basa raro.
‘Icinyi Cinozwi Dare Rinotungamirira lo Zvapupu zva Jehovha?’ (Mu saiti jw.org)
Wonanyi kuti Dare rinotungamirira lo Zvapupu zva Jehovha rinoitenyi kuti ripe zvokurhya zvokunamata pa nguva kwayo.
Vo Dare Rinotungamirira vanowonesa kudini basa lovakagajwa ndi Jesu kuti vaite?
Musangano yedu no magungano, zvinokhombijisa kudini kuti Jehovha ndiyena urikutungamirira Dare Rinotungamirira?