Beserekanyi ngo Mareferensiya

Mareferensiya o Shanduro Yenyika Itsva anokhombija kuenderana ko masoko o muBhaibheri, esimabatanija esipa masoko okujekesa. Mareferensiya anokhombijwa ngo cibhii cidoko cinoviya mumasure mo gama. Kudai mesishandisa Bhaibheri rakaiprimihwi psakanyi mu mapheji o Bhaibheri kuti muwane vhesi jinoenderana. Mu saiti jw.org kana kuti mu aprikativho JW Library^® bayanyi cibhii kuti muvhure mavhesi oreferensiya.

Mareferensiya angamubatanija pa zviro zvinotevera uye no zvimweni zvakawanda zvakadai inga izvi:

Ndhorowondho jakatojana: Referensiya ingamutora kuti muende kubhuku rimweni asi resibhuya ngo shwiro yakatojana no yamunonga mesiverenga. Inga muezaniso wonanyi 2 Sam. 24:1 na 1 Mk. 21:1.

Sitasau: Referensiya inokhombija kunowanirwa masoko amweni. Inga muezaniso wonanyi pana Mateu 4:4 na Dhe. 8:3.

Ciporofita cakazajika: Referensiya inokhombija vhesi yo kuzajika ko uporofita. Inga muezaniso wonanyi pana Mateu 21:5 na Zak. 9:9.