Tingaitenyi Kuti Kunamata Kedu Kudakaje Mwari?

Inga zvotakabhuisanaya mucijijo cakapera, asi maceci ese anodakaja Mwari. Ngo kudalo, yesu tinodikana kunamata Musiki wedu ngo njira inomudakaja. Ngakupi “kunamata kunodakaja” Mwari? (Jakobho 1:27, masoko opasi) Ngatizwe zvinojijiswa ngo Bhaibheri.

1. Zvatinotenda zvinodikana kuvha kupi?

Zvatinotenda zvinodikana kuvha mu Bhaibheri. Jesu wakabhuya na Mwari esiti: ‘Soko renyu icokwadi.’ (Johani 17:17) Maceci amweni aana basa no cokwadi cinowanika mu soko la Mwari Bhaibheri lakafemerwa. Vanofakeya cokwadi ngo tsika uye no jijiso jo vandhu. Asi Jehovha aadakariri vandhu ‘vasikazwi mutemo yake.’ (Verenganyi Mako 7:9.) Asi kudai tikalamba tesitevejera zviri mu Bhaibheri no mazano arinopa, tinodakaja mweyo wake.

2. Tinganamatisa kudini Jehovha?

Tinodikana kunamata Jehovha ega ngokuti ndiyena wakatisika. (Zvakazarurwa 4:11) Izvi zvinobhuya kuti tinodikana kumuda uye kunamata iyena basi, tisingashandisi mufananijo, kana kuti zvidhori.—Verenganyi Isaya 42:8.

Tinodikana kuita kuti kunamata kedu kuve ‘kakacena uye kunoashirwa ndi Jehovha’. (VaRoma 12:1) Izvi zvinobhuya kuti tinodikana kutevejera mutemo yake mu upenyu wedu. Pamweni patingakhombija kuti tinoyaeya mutemo ya Jehovha, pashwiro yokurovorana. Vayani vanoda Jehovha vanosiyana nomaitiro asito kunaka, akadai inga kudhakwa, kubhema no kufemba forya, uye no zvimweniwo zvinodhakwisa.a

3. Ngenyi tinodikana kuungana no vamweni patinomata Jehovha?

Pamusangano watinoita vhiki ngo vhiki, tinowana mukana ‘wokukuja Jehovha tiri muungano.’ (Mapisarema 111:1, 2) Zvimweni zvatinoita kuti tikuje Jehovha ngo zvo kumuembera. (Verenganyi Mapisarema 104:33.) Jehovha unotivhunja kuti tipinde musangano ngokuti unotida uye unoziva kuti inotibesa kuti tizorarama nokusingaperi tesidakala. Patinoenda kumusangano tinovangisa vamweni, yesu tesivangiswawo.

JIJANYI ZVIZINJI 

4. Atidikani kushandisa mufananijo patinonamata

VHIDHIYO: Mwari Unoda Here Kuti Tishandise Mufananijo Pakunamata? (3:26)

• Munguva yo kare, vanamati vamweni va Mwari vakaeja kumunamata vesishandisa mufananijo. Asi zvicinyi zvakazoitika kovari ngo kuita izvi?

Vandhu vamweni vanoeja kuva no ushamwari wakavanga na Mwari, ngo kushandisa mufananijo pakumunamata. Asi kuita izvi kungavangisa ushamwari wavo na Mwari here? Verenganyi Eksodho 20:4-6 na Mapisarema 106:35, 36, mapeja bhuisananyi ngo muvhunjo jinotevera:

• Ngazvipi zviro zvimweni kana kuti mufananijo yomakawona zvesishandiswa pakunamata?

• Jehovha unozwa kudini kudai akawona vandhu vesishandisa mufananijo pakumunamata?

• Iyemwi munowonawo kudini shwiro yokushandisa mufananijo pakumunamata?

5. Kunamata Jehovha basi kunotisunungula pa jijiso jo kunyepa

VHIDHIYO: Cokwadi Cakamusunugula (5:16)

Verenganyi Mapisarema 91:14, mapeja bhuisananyi ngo muvhunjo unotevera:

• Yesu tinokhombija kuti tinoda Jehovha kana tikanamata iyena basi. Jehovha unothembesenyi kudai tikanamata iyena basi?

6. Tinonamata Mwari patinoungana no vamweni muungano

Yesu tinokuja Jehovha no kuvangisana, patinoemba no vamweni pamusangano. Verenganyi Mapisarema 22:22, mapeja bhuisananyi ngo muvhunjo jinotevera:

• Munodakarira kuzwa mupingulo yo vamweni pamusangano here?

• Munoda kunasirira kuti muzodavirawo pamusangano here?

7. Jehovha unodakala maningi patinobhuya no vamweni zvatinojija

Kuno mukana yakawanda yatingakwanisa kuita kuti tivhunje vamweni zvatinojija mu Bhaibheri. Verenganyi Mapisarema 9:1 na 34:1, mapeja bhuisananyi ngo muvhunjo unotevera:

• Iyemwi majija cokwadi cakawanda maningi co Bhaibheri. Ngazvipi zvamunoda kuvhunjawo vamweni?

TAJIJENYI

Tajija kuti Musiki wedu unodakala patinonamata iyena basi, kumukuja tiri pamwepo pamusangano no vamweni muungano uye kuvhunjawo vamweni zvatinojija.

Muvhunjo Jokuhwirijira

• Tingazivisa kudini manamatiro anodakarirwa ndi Mwari?

• Ngenyi tinodikana kunamata Jehovha basi?

• Ngenyi tinodikana kunamata Mwari tiri pamwepo no vamweni vanoda kumudakajisa?

JIJANYI ZVIMWENI

Mundhorowondho yakazwi andisanamati zvidhori verenganyi muwone kuti mwanakaji umweni wakaitenyi kuti asiye kunamata zvidhori.

“Bhaibheri Rinocinja Upenyu” (Nharireyomurindi, 1 ya Julho yo 2011)

Jijanyi zviro zvimweni zvingamubesa kuti mukwanise kupingula pa musangano.

“Kujanyi Jehovha mu Ungano” (Nharireyomurindi, ya Janeiro yo 2019)

Wonanyi kuti mwanarume umweni wakabeseswa kudini ngo kupinda musangano kunyange zvaimunesa.

Jehovha Wakandibesa  (3:07)

Vandhu vakawanda vanolangarira kuti mucinjikwa unoemerera ci Kristu, asi tinodikana kuushandisa here pakunamata?

“Ngenyi Zvapupu zva Jehovha Zvisingashandisi Mucinjikwa?” (Mu saiti jw.org)