Khombijanyi Kudakarira Vandhu

Jesu Wakaitenyi?

VHIDHIYO: Jesu ari Kuparijira Mwanakaji pa Mwimbo

1. Wonanyi VHIDHIYO, kana kuti verenganyi Johani 4:6-9. Mapeja bhuisananyi ngo muvhunjo jinotevera:

1. Jesu wakawonenyi asati abhuya no mwanakaji uwu?

2. Jesu wakati: “Ndipewo kumwa yo kumwa.” Ngenyi akava maitire akanaka okutangisa mabhuyo?

Tinojijenyi ngo Zvakaizwa ndi Jesu?

2. Zvakareruka maningi kuenderera mberi no mabhuyo, kudai tikamatangisa ngo maitire anodakarihwa ngo mundhuwo.

Tevejeranyi Jesu

3. Ivanyi mundhu anokasika kucinja. Musavangirira kutangisa mabhuyo ngo maitire omainga mesilangarira. Tanganyi mabhuyowo ngo shwiro jiri kunesa vamweni mazuva ano. Zvivhunjisenyi kudai:

1. ‘Ngazvipi zviri kubhuiwa mu manotisiya?’

2. ‘Zvigarisano zvangu, shamwari jangu jo kucikola no jo ku basa vari kubhuya ngo pamusolo penyi?’

4. Ivanyi mundhu anosotesesa. Zvivhunjisenyi kudai:

1. ‘Ngazvipi zviri kuizwa ngo mundhuwo? Ngazvipi zvaari kulangarira?’

2. ‘Masimirire ake, mawonekere ake no pamuzi pake, zvinowonesenyi ngo pamusoro po zvaanotenda pamwepo no zvirovejeso zvake?’

3. ‘Kubhuya kuti i nguva yakanaka yokubhuya no mundhuwo?’

5. Yaeyanyi.

1. Musavereketa maningi.

2. Besanyi mundhuwo kuti avereketewo zvaanolangarira. Pazvinonga zvesiita, vhunjisanyi muvhunjo.