Buyanyi ngo Cibarirwe

Zvicinyi Zvakaizwa ndi Firipi?

VHIDHIYO: Firipi ari Kuparijira Mwanarume wo ku Etiopiya

1. Wonanyi VHIDHIYO, kana verenganyi Mabasa 8:30, 31. Mapeja bhuisananyi ngo muvhunjo jinotevera:

1. Firipi wakaitisa kudini kuti atangise mabhuyo?

2. Ngenyi aya akava matangire akanaka okutangisa mabhuyo ku mwanarume uwu?

Tinojijenyi ngo Zvakaizwa ndi Firipi?

2. Kudai tikabhuisana no mudhu ngo cibarirwe, zvinozova zvakareruka kuti mundhuwo aenderere mberi no mabhuyo.

Tevejeranyi Firipi

3. Ivanyi mundhu anosotesesa. Yemwi mungakwanisa kuziva zviro zvakawanda ngo pamusoro po mundhu ngo kusotesesa mumeso make, mavereketere ake no zvaanoita. Kubhuya kuti mundhuwo unoda kubhuya nemwi here? Yemwi mungakwanisa kubhuya cokwadi co Bhaibheri ngo maitire akareruka, “Yemwi maizviziva here . . . ?” Ngwariranyi kuvangirija mabhuyo no mundhu asingadi kubhuya.

4. Ivanyi mundhu anosengerera. Musajizwa mesida kubhuya ngo pamusoro po Bhaibheri ngo kukasika. Yemeranyi nguva yakanaka yo kuita izvi ngo cibarirwe. Nguva jimweni, izvi zvingabhuya kuyemera mbhera pa nguva imweni yamunozobhuyazve no mundhuwo.

5. Garanyi makanasirira kucinja mabhuyo. Nguva jimweni mundhu ungabhuya zviro zvokuti amusaizvisoterera. Ngokudalo, ivanyi makanasirira kuti mubhuye ngo shwiro inodakarirwa ngo mundhuwo, kunyange zvesibhuya kucinja shwiro yomaida kubhuya ngo pamusoro payo.