Kuzvidodokesa

Ndhungamiriro: “Ngo kuzvidodokesa wonanyi vamweni inga vakuru kamuri.”—VaF. 2:3.

Pauro Wakazviitisa Kudini?

Mupostori Pauro wakasungwa ngo cini no mungwariri, esibhuya ngo nderemejo kuna mambo Agripa, govherinadhori Festo uye Bernice.

VHIDHIYO: Pauro ari Kuparijira Mambo Agripa

1. Wonanyi VHIDHIYO, kana verenganyi Mabasa 26:2, 3. Mapeja bhuisananyi ngo muvhunjo jinotevera:

Pauro wakakhombijisa kudini kuzvidodokesa paaibhuya na Mambo Agripa?
Pauro wakakhombijisa kudini kuti waireremeja maningi Jehovha no zvinyorwa haiwa iyena pacake?—Wonanyi Mabasa 26:22.

Tinojijenyi ngo Zvakaizwa ndi Pauro?

2. Masoko edu anova anodakajisa maningi kudai tikamabhuya ngo kuzvidodokesa uye no nderemejo.

Tevejeranyi Pauro

3. Bhuyanyi ngo nderemejo. Musaita inga munoziva zvese uye mundhu wamunobhuyalo naye apanawo zvaanoziva. Bhuyanyi naye ngo nderemejo.

4. Khombijanyi pambhene kuti cokwadi camunojijisa cinovha mu Bhaibheri. Bhaibheri rino masoko akafemerwa ndi Mwari, rinokwanisa kucinja mulangariro uye no mazwiro o vandhu. Patinoshadisa Bhaibheri, tinobesa vandhu kuti vave no mulangariro wakanaka uye kutenda kavo kuvange.

5. Lambanyi makapfava. Musaeja kuwonesa kuti zvamuri kubhuyalo ndizvona zvakanaka. Atidikani kuvereketejana. Zvidodokesenyi ngo kuederera mberi makagajana mesiziva nguva yo kuvha pa muzi pa samuzi. (Zvi. 17:14; Tito 3:2) Kubhuya makapfava, kungaita kuti mundhuwo ade kuzwazve masoko edu zuva rimweni.

WONANYIZVE

VaR. 12:16-18; 1 VaK. 8:1; 2 VaK. 3:5