Ngwariranyi Mavereketere Enyu

Ndhungamiriro: “Nguva yese masoko enyu ngaave no unyasha.”—VaK. 4:6.

Pauro Wakazviitisa Kudini?

Mupostori Pauro ari kuparijira vandhu vo ku Atena.

VHIDHIYO: Pauro ari Kuparijira Vandhu vo kuAtena

1. Wonanyi VHIDHIYO, kana verenganyi Mabasa 17:22, 23. Mapeja bhuisananyi ngo muvhunjo jinotevera:

Pauro wakazwa kudini ngo kunamata kokunyepa kainga kesiizwa mu Atena?—Wonanyi Mabasa 17:16.
Kusiripi kutonga vandhu vo ku Atena, Pauro wakaitisa kudini kuti abhuye ngo maitire akanaka, esishandisa zviro zvavaitenda kuti avavhunje masoko akanaka?

Tinojijenyi ngo Zvakaizwa ndi Pauro?

2. Vandhu vanonasa kutiyaeya kudai tikanasa kukheta zvatinoda kuvereketa, mavereketere atingazviita uye nguva yokuzvivereketa.

Tevejeranyi Pauro

3. Khetanyi zvakanaka magama enyu. Inga muezaniso, kudai mesibhuya no mundhu asiripi mu Kristu, nguva imweni yemwi munodikana kunasirira masoko okuvereketa ngo zvo Bhaibheri kana kuti ngo zva Jesu.

4. Musatanga mamuvhunja kuti zvaadaviralo asizvona. Musienyi abhuye zvaanolangarira akasununguka. Kudai iyena akabhuya zviro zvisikaenderani no Bhaibheri, musapopotejana naye. (Jak. 1:19) Kudai yemwi mukanasa kumuyaeya munozokona kuziva zvaanotenda uye ngenyi anozvitenda.—Zvi. 20:5.

5. Paanobhuyawo zvocokwadi, tenderananyi naye no kumubonga. Nguva imweni ungatonasa kutenda zvaanojijiswa kaanonamata kuti ngo zvo cokwadi. Cokutanga, ejanyi kubhuya ngo zviro zvamunotenderana nazvo mese. Mapeja padoko ngo padoko besanyi mundhuwo kuzwisisa zvinojijiswa ngo Bhaibheri.

WONANYIZVE

Zvi. 25:15; 2 Tim. 2:23-26; 1 Ped. 3:15