Ruka
3 Mu gore rocigumi namashanu ro kutonga kwa Tibheriyo Sezari, Ponsiyo Pirato paainga govhernadhori wo Judheya, Herodhi* wainga mutongi wo dhistritu yo Garireya, Firipi nevanji wake, wainga mutongi wo nyika yo Itureya no Trakoniti. Ruzaniya wainga mutongi wo dhistritu yo Abhirene, 2 mu njiku jo mutungamiriri wo vapiri Anasi na Khaifasi, masoko a Mwari akaguma kuna Johani mwana wa Zakariya mu zvipare.*
3 Ngo kudaro, iyena wakafamba mu mutundhu yese yo Jordhani, ecicumaera rubhabhatijo inga citatijo co kukhauya kuti zvishaishi zviregerehwe, 4 inga zvakatahwa mu bhuku ro masoko o muporofeti Isaya kuti: “Kuno izwi riri kuzika muzvipare, reciti: ‘Nasiriranyi gwanja ra Jehovha!* Rungamisanyi makwanja ake. 5 Muterero jese jinodikana kututihwa kuti jizare, matundhu ese no zvituka ngazvimbhwarambhwajihwe. Makwanja acizivi kurungama ngaarungamiswe, makwanja akapeyama ngaati setete; 6 vese vanozovona ruponeso hwa Mwari.’”
7 Iyena waivhunja mbungano yaiviya kuzobhabhatijwa ndiyena kuti: “Imwimwi vana vo vhumbi, ndiyani wamuvhunja kuti mutize ushungu hwa Mwari hunozoviyari? 8 Asi tatijanyi kuti imwimwi makhauya. Mucatanga kunanga kuti, ‘itusu tiri vana va Abhirahama.’ Inini ndinomuvhunja kuti Mwari anokwanisa kucinja mapuwe aya kuti ave vana va Abhirahama. 9 Zvokadi, bheura* rapera kunasirihwa kuti riteme muji jo muti. Muti wese ucikabari mucero yakanaka unozotemwa, wokhandihwa pa muriro.”
10 Mbungano yaimuvhunjisa kuti: “Waro tinodikana kuitenyi?” 11 Iyena waivadavira kuti: “Mundhu ano nguvo mbiri* ngaapevo acina, wiya ano cokuha ngaapevo acina.” 12 Pikija vashabisi, vaiendavo kobhabhatijwa vecimuvhunjisa kuti: “Mujijisi, tinodikana kuitenyi?” 13 Iyena wakavavhunja kuti: “Mucakumbira* zvimweni, asi kumbiranyi mare yo kushaba basi.” 14 Masoca aimuvhunjisavo kuti: “Tinodikana kuitenyi?” Iyena wakavadavira kuti: “Mucashupha ari wese kana kupumbha mundhu ngo zviro zvo kunyepa, asi dakaranyi ngo zviro zvamunowana.”
15 Vandhu vainga vecivetera. Vese vainga vecirangarira ngo mumwoyo yavo ngo pamusoro pa Johani kuti: “Iyena angaita Kristu kani?” 16 Ngo kudaro, Johani wakavhunja vese kuti: “Inini pacangu, ndinobhabhatija ngo kumwa, asi wiya ano simba kupinda inini, ari kuviya. Inini andifaneri kusujunura magwada ake. Iyena anozomubhabhatija ngo mujimu mucena no muriro. 17 Iyena ano foshoro mu nyara jake, kuti azoparajanise mucece no makoto* pa cimbuwa, anozounganija mucece mu nyumbu yake, asi iyena anozopisa makoto ngo muriro ucikajimiki.”
18 Johani wakavavangisa mu njira jakasiyana-siyana, woenderera mberi ecizivisa vandhu masoko akanaka. 19 Asi iyena wakapangira Herodhi, mutongi wo dhistritu, ngo ndava ya Herodhiya, mukaji wa nevanji wake no zvese zvakashata zvaakaita. 20 Ngo kudaro, Herodhi wakaitazve ciro cimweni cakashata: Co kufungira Johani mukadheya.
21 Ngo kudaro, vandhu vese pavakapera kubhabhatijwa, Jesu wakaendavo kobhabhatijwa. Paainga eciita mukumbiro, kudenga kwakafununguka. 22 Mujimu mucena wakabzuka inga njiva, weciviya panyezuru pake, kwakazika izwi raivha kudenga reciti: “Iwewe uri Mwana wangu anodiwa, anondidakajisa.”
23 Jesu paakatanga basa rake, wainga ano makore anokhwedera kuita makumatatu. Inga zvairangarihwa ngo vandhu vese, iyena wainga mwana,
wa Josefa,
mwana wa Heri,
24 mwana wa Matati,
mwana wa Revhi,
mwana wa Mereki,
mwana wa Janai,
mwana wa Josefa,
25 mwana wa Matatiya,
mwana wa Amosi,
mwana wa Nahumi,
mwana wa Esiri,
mwana wa Nagai,
26 mwana wa Maati,
mwana wa Matatiya,
mwana wa Semeini,
mwana wa Joseki,
mwana wa Jodha,
27 mwana wa Johanani,
mwana wa Reza,
mwana wa Zorobhabheri,
mwana wa Saratiyeri,
mwana wa Neri,
28 mwana wa Mereki,
mwana wa Adhi,
mwana wa Kosami,
mwana wa Erimadhami,
mwana wa Eri,
29 mwana wa Jesu,
mwana wa Eriyezeri,
mwana wa Jorimi,
mwana wa Matati,,
mwana wa Revhi,,
30 mwana wa Simiyoni,
mwana wa Judha,
mwana wa Josefa,
mwana wa Jonami,,
mwana wa Eriyakimi,
31 mwana wa Mereya,
mwana wa Mena,
mwana wa Matata,
mwana wa Natani,
mwana wa Dhavhidhi,
32 mwana wa Jesi,
mwana wa Obhedhi,
mwana wa Bhowazi,
mwana wa Saremoni,
mwana wa Naasoni,
33 mwana wa Aminadhabhi,
mwana wa Arini,
mwana wa Ezironi,
mwana wa Perezi,
mwana wa Judha,
34 mwana wa Jakobe,
mwana wa Izaki,
mwana wa Abhirahama,
mwana wa Tera,
mwana wa Nahori,
35 mwana wa Serugi,
mwana wa Reu,
mwana wa Peregi,
mwana wa Ebheri,
mwana wa Shera,
36 mwana wa Khainani,
mwana wa Arifashadhi,
mwana wa Semi,
mwana wa Nowa,
mwana wa Rameki,
37 mwana wa Matusara,
mwana wa Enoki,
mwana wa Jaredhi,
mwana wa Maharareri,
mwana wa Khainani,
38 mwana wa Enosi,
mwana wa Seti,
mwana wa Adhamu,
mwana wa Mwari.