TAUM WERER MIT DAI LÜÜR FORTELE
KAPITEL 7
Dau ni nålåte dai lüür mithelpe
Ine Bijbel stäit: ‘Sai blëwe bij åne anhulen, an dai gaure nijges inlëre un preege.’ (Atos 5:42)
Wat hät Paulo måkt?
1. Kijk der VIDEO, urer lees Atos 19:8 bet 10. Nåheer, dau dai frågen hijr uuner antwoore:
Wosoo waite wij dat Paulo ni nålåte hät preege tau dai wat dat hööre wule?
Woo oft güng Paulo tröög taum dai inlëre wat mër waite wule, un wolang hät hai dat måkt?
Wat lëre wij fon Paulo?
2. Wij muite oos tijd ruuterneeme un oos anstrenge taum werer mit dai lüür fortele un anfänge eer dai Bijbel inlëre.
Måk Paulo nå
3. Dau dai lüür besuike up dai stuun wat sich beeter passt tau eer. Fråg dij: ‘Wonair is lichter dat ik der mësche trefe dau? Woo un wonair kan lichter sin dat dai mësch mit mij fortelt?’ Dau der mësche in dai stuun besuike lijkerst wen dat sich ni gaud tau dij passt.
4. Fråg dem mësche wonair as jij werer t’hoop fortele koine. Airer as duu weggäist, forsuik ain stuun anmarke dat jij koine wijrer fortele. Måk soo as jij t’hoop afreert häwe.
5. Dau ni licht nålåte. Dau ni glijk denke dat dai mësch nischt waite wil bloos dårweegen dat’s duu der ni t’huus trefe däist urer dat dai ümer wat hät taum måken. (1 Cor 13:4 un 7) Dau ni nålåte der mësche suike, åwer benuts dijn tijd mit klaukhët. (1 Cor 9:26)