KAPITEL 16
Wat hät Jësus måkt as hai hijr upe Ër wääst is?
Wen dai lüür an Jësus denke daue, feel daue maine soo as hai wäir man bloos air klair kind, air gaud profët urer air kërl wat bijnå bijm doodblijwe wäir. Wen wij oiwer Jësus sij leewend hijr upe Ër lëre daue, wij daue saie hai is mër as dit. In dës kapitel wij daue wek daile saie, wat Jësus måkt hät un wat dij helpe koine in dij leewend.
1. Wat fone arbëd däir Jësus mër wërd geewe?
Dai arbëd wat mër wërd har tau Jësus, wäir ‘dai gaure nijges fon God sij Regirung bekandmåke’. (Lees Lucas 4:43) Dai gaure nijges wat Jësus preege däir, wäir oiwer God sij Regirung. God sij Regirung däit dai gans eelend un problems fon dai lüür al måke.a (Kijk dai nåt) Doir drai un air halw jår, Jësus hät sich sër anstrengt taum mit dai lüür fortele oiwer dës beschaid wat oos hofnung giwt. (Mateus 9:35)
2. Woweegen däir Jësus bewunrige daile måke?
Dai Bijbel sägt oiwer feel ‘bewunrige daile un saichen wat Jësus måkt hät doir God sijn kraft.’ (Atos 2:22) Doir dai kraft wat God Jësus geewt hät, hai hät der unweerer anhule, hät feele lüür sat måkt, hät dai kranke kurijrt un hät sogår dai doore upleewt. (Mateus 8:23 bet 27, 14:15 bet 21, Marcos 6:56 un Lucas 7:11 bet 17) Dai bewunrige daile wat Jësus måkt hät, däire wijse dat God em schikt har. Dat hät uk weese dat Jehovaa hät dai kraft taum dai ganse problems al måke.
3. Wat koine wij lëre oiwer Jësus sij leewend?
Jësus hät ümer Jehovaa horgt. (Lees João 8:29) Hai hät dit måkt doir sij gans leewend oiwer, nog dat hai slimhët doirsete däir urer däire em slecht behandle. Hai hät weese soo as dai lüür koine God dijne, lijkerst wen sai slimhët doirsete daue. Mit dit Jësus hät weese ‘wosoo koine wij em sijn sride gans genau någåe.’ (1 Pedro 2:21)
DAU MËR LËRE
Sai ais dat Jësus dai gaure nijges preegt hät un hät uk bewunrige daile måkt.
4. Jësus däir dai gaure nijges preege
Jësus hät feel kilomëter gåe upe ër stråte taum air dail måke, dai gaure nijges preege tau dai mëste lüür. Lees Lucas 8:1 un nåheer fortel oiwer dai frågen hijr uuner:
Däir Jësus bloosig tau dai lüür preege wat na em hengünge?
Wat däir Jësus måke taum dår hengåen woo dai lüür wäire?
God hät sägt soo as dai Messias däir dai gaure nijges preege. Lees Isaias 61:1, 2 un nåheer fortel oiwer dai frågen hijr uuner:
Wosoo is dës profesijr in Jësus sij leewend passijrt?
Denkst duu dai lüür hüüt muite dai gaure nijges hööre?
5. Jësus hät wårhëte inlërt wat groote wërd hare
Jësus hät dai gaure nijges fon God preegt un hät uk gaure formånen geewt. Jësus hät ain bekand preeg måkt upm barg. Sai ais wek formånen wat Jësus geewt hät in dës preeg. Lees Mateus 6:14, 34 un 7:12 un nåheer fortel oiwer dai frågen hijr uuner:
In dës sprüüch, wat fon gaure formånen fijne wij dår wat Jësus geewt hät?
Denkst duu dat dës formånen koine dai lüür hüütsendåg mithelpe?
6. Jësus hät bewunrige daile måkt
Jehovaa hät Jësus dai kraft geewt taum bewunrige daile måke. Dau wek fon dai saie. Lees Marcos 5:25 bet 34 urer Kijk dai VIDEO un nåheer fortel oiwer dai frågen hijr uuner:
Wij häwe saie soo as dai fruug wäir sër krank, åwer wat fon sicherhët har sai?
Wat hät dij dülst gefale in dës bewunrig dail wat Jësus måkt hät?
Less João 5:36 un fortel oiwer dai fråg hijr uuner:
Wat daue oos wijse dai bewunrige daile wat Jësus måkt hät?
Wätst duu?
Bijnå ales wat wij waite daue oiwer Jësus, sin in dai bijblisch buiker fon Mateus, Marcos, Lucas un João - dës sin dai Evangelisch. Dai fair häwe sreewe oiwer wat passijrt is mit Jësus. Åwer ni oiwerain, wek häwe daile sreewe wat dai andrer ni sreewe häwe. Wen wij ales wat dai fair sreewe häwe t’hoopmåke daue, wij koine gans genau saie wat passijrt is mit Jësus as hai upe Ër wääst is.
MATEUS
is dat airst bijblisch bauk wääst oiwer Jësus sij leewend. Dår fijne wij feel daile oiwer wat Jësus inlërt hät, upe haupt oiwer God sij Regirung.
MARCOS
is dat klänst bijblisch bauk oiwer Jësus sij leewend. Is ain lustig geschicht mit feel daile wat passijrt sin.
LUCAS
däit wijse wosoo Jësus wërd geewe däir tau dai gebeeds un däit uk säge wosoo Jësus dai fruuges behandle däir.
JOÃO
wijst wosoo as Jësus fortele däir mit dai wat hai ümgang har un uk mit dai andrer lüür. Dit däit oos helpe Jësus sijn moors saie.
WEK DAUE SOO SÄGE: “Jësus wäir ni God sij kind, wäir bloosig air gaur mësch.”
Wat mainst duu hijr oiwer?
WAT HÄWE WIJ HIJR LËRT?
Jësus hät preegt oiwer God sij Regirung, hät bewunrige daile måkt un hät God gans genau horgt.
Denk dij ais nå
Wat fon is dai best arbëd wääst wat Jësus måkt hät upe Ër?
Wat daue oos wijse dai bewunrige daile wat Jësus måkt hät?
Wat fon gaure formånen hät Jësus oos geewt?
TAUM MËR WAITE
Oiwer wat däir Jësus gërn fortele?
“Woweegen hät God sij Regirung feele wërd tau Jësus?” (Wat Bekandmökt, 1 oktober 2014)
Sai ais woweegen koine wij wirklig anglööwe an dai bewunrige daile wat Jësus måkt hät.
“Wat lëre wij fon Jësus sijn milagres?” (Wat Bekandmökt, 15 juli 2004)
Lees oiwer air mësch wat sij leewend aners måkt hät nåheer dat hai lërt hät wosoo as Jësus dai lüür behandle däir.
“Ik däir bloos an mij selwst denke” (Wat Bekandmökt, 1 oktober 2014)
Sai dai haupte daile wat passijrt sin in Jësus sij leewend.
“Jësus sij leewend hijr upe Ër” (Hailig Sriwt - Nåsriwen fon Nijg Wild, Apêndice A7 up briånisch)
a Nåt: Dai Kapitel 31 bet 33 daue fortele oiwer God sij Regirung.