Wäs gaud im dauen un fortelen

Wat hät Jësus måkt?

VIDEO: Jësus kurijrt aine blinde kërl

1. Kijk der VIDEO, urer lees João 9:1 bet 7. Nåheer, dau dai frågen hijr uuner antwoore:

1. Hät Jësus der blinde kërl airste kurijrt urer hät hai airste tau em preegt? (Lees João 9:35 bet 38)

2. Woweegen mainst duu hät wut dai kërl Jësus horge?

Wat lëre wij fon Jësus?

2. Wen dai mësch saie däit dat wij oos mit dem bekümre, dat wart lichter sin dat dai oos hööre wil.

Måk Jësus nå

3. Stel dij foir wat dai mësch forneeme däit.

1. Fråg dij: ‘Woo oiwer däit dai sich kopbreeken måke? Wat fon daile daue dem mësche gefale un wat däit dai gaud fijne?’ Wen’s duu dår andenkst dat wart dij helpe gaurigkët uutm härts wijse.

2. Dau der mësche gaud hööre. Wen’s duu dat soo mökst duu däist wijse dat’s duu dij mit dem mësche bekümre däist. Dau ni oiwer andrer daile fortele wen air mësch sägt woo dai sich forneeme däit urer däit oiwer ain problëm fortele wat dai doirset.

4. Fortel mit gaurigkët un respekt. Wen’s duu der mësche beduure däist un der wirklig helpe wilst, dai däit dat forneeme doir der schik soo’s duu fortelst. Pass doch up wat’s duu säge däist un wosoo as duu dat sägst. Dau uk kain daile säge wat dem mësche argre kan.

5. Wäs behülpig. Dau saie wat’s duu måke kast taum der mësche mithelpe. Wen wij gaure daile tau dem mësche måke wart lichter sin dat dai mit oos fortele wil.