उत्पत्ति
१० नुहका छोराहरू सेम,+ हाम र यापेतको वंशावली यही हो:
जलप्रलयपछि मात्र तिनीहरूका छोराहरू जन्मिए।+ २ यापेतका छोराहरू गोमेर,+ मागोग,+ मदै, याबान, तुबल,+ मेसेक+ र तिरास+ थिए।
३ गोमेरका छोराहरू अस्कनज,+ रिपथ र तोगार्मा+ थिए।
४ याबानका छोराहरू एलिसाह,+ तर्सिस,+ कित्तिम+ र दोदानिम थिए।
५ यिनीहरूबाटै टापुहरूमा बसोबास गर्ने मानिसहरू निस्के। यिनीहरू आ-आफ्नो परिवार, भाषा र जातिअनुसार विभिन्न टापुमा बसे।
६ हामका छोराहरू कुस, मिज्रेम,*+ पत+ र कनान+ थिए।
७ कुसका छोराहरू सिबा,+ हविलाह, साब्ता, रामाह+ र साब्तका थिए।
रामाहका छोराहरू सेबा र ददान थिए।
८ कुसबाट निम्रोद पनि जन्मिए। निम्रोद नै पृथ्वीका पहिलो पराक्रमी पुरुष थिए। ९ निम्रोद यहोवा परमेश्वरको विरोध गर्ने एक शक्तिशाली सिकारी भए। यसले गर्दा कसै-कसैलाई निम्रोदसँग तुलना गर्दै यसो भन्ने गरिन्छ: “ऊ यहोवा परमेश्वरको विरोध गर्ने शक्तिशाली सिकारी निम्रोदजस्तै छ।” १० निम्रोदले आफ्नो शासनकालको सुरुमा बसालेका सहरहरू बाबेल,*+ एरेक,+ अक्कद र काल्नेह थिए। यी सहरहरू सिनारको+ इलाकामा पर्थे। ११ त्यहाँबाट निम्रोद अस्सेरिया+ गए अनि निनवे,+ रेहोबोथ-इर, कालह १२ र रेसेन नाम गरेका सहरहरू बसाले। यी सबै सहर निनवे र कालहको बीचमा पर्छन्। यो एउटा विशाल सहर हो।*
१३ मिज्रेमबाट लुदिम,+ अनामिम, लहाबिम, नप्तुहिम,+ १४ पाथ्रोसिम,+ कस्लुहिम (पलिस्तियालीहरू+ यिनकै सन्तान थिए।) र काफ्तोरिम+ जन्मिए।
१५ कनानका जेठा छोरा सिदोन+ थिए। तिनका अर्का छोरा हेत+ थिए। १६ कनान नै यबुसीहरू,+ एमोरीहरू,+ गिर्गासीहरू, १७ हिव्वीहरू,+ अरकीहरू, सिनीहरू, १८ अर्वादीहरू,+ जेमारीहरू र हमाथीहरूका+ पुर्खा थिए। पछि कनानका सन्तान जताततै छरिए। १९ कनानीहरूको इलाका सिदोनदेखि गाजानजिकै+ पर्ने गेरारसम्म+ अनि लासानजिकै पर्ने सदोम, गमोरा,+ अदमाह र जेबोयिमसम्म+ फैलिएको थियो। २० हामका सन्तान यिनीहरू नै थिए। परिवार, भाषा, जाति र इलाकाअनुसार हामका सन्तानको विवरण यही हो।
२१ सेमका पनि छोराछोरी जन्मिए। तिनका जेठा दाइ यापेत थिए।* सेम एबेरका+ सबै सन्तानको पुर्खा थिए। २२ सेमका छोराहरू एलाम,+ अस्सुर,+ अर्पक्षद,+ लुद र अराम+ थिए।
२३ अरामका छोराहरू उज, हुल, गेथेर र मस थिए।
२४ अर्पक्षदबाट सेलह+ जन्मिए र सेलहबाट एबेर जन्मिए।
२५ एबेरका दुई छोरा भए। एउटाको नाम पेलेग*+ थियो। किनकि तिनकै समयमा मानिसहरू यताउता छरिएका थिए।* अर्को छोराको नामचाहिँ योक्तान+ थियो।
२६ योक्तानबाट अल्मोदाद, सेलेप, हासरमाबेथ, यरह,+ २७ हादोराम, उजाल, दिक्ला, २८ ओबाल, अबिमायल, सेबा, २९ ओपिर,+ हविलाह र योबाब जन्मिए। यिनीहरू सबै योक्तानका सन्तान थिए।
३० तिनीहरू बसोबास गर्ने इलाका मेसादेखि पूर्वको पहाडी इलाका सेफरसम्म फैलिएको थियो।
३१ सेमका सन्तान यिनीहरू नै थिए। परिवार, भाषा, जाति र इलाकाअनुसार सेमका सन्तानको विवरण यही हो।+
३२ घराना र जातिअनुसार नुहका सन्तानको विवरण यही हो। यसरी जलप्रलयपछि नुहका छोराहरूबाट निस्केका विभिन्न जाति पृथ्वीभरि फैलिँदै गए।+