९ जब इस्राएलीहरूले मदतको लागि यहोवा परमेश्‍वरलाई पुकारे,+ तब यहोवा परमेश्‍वरले तिनीहरूलाई छुटकारा दिन कालेबको भाइ केनजको छोरा ओथ्निएललाई+ रोज्नुभयो।+ १० यहोवा परमेश्‍वरको पवित्र शक्‍ति ओथ्निएलमाथि आयो+ र तिनी इस्राएलीहरूका न्यायकर्ता भए। जब तिनी युद्ध गर्न गए, तब यहोवा परमेश्‍वरले मेसोपोटामियाका* राजा कुसन-रिसातैमलाई तिनको हातमा सुम्पिदिनुभयो। यसरी ओथ्निएलले ती राजालाई जिते।

२९ तब यहोवा परमेश्‍वरको पवित्र शक्‍ति यिप्तहमाथि आयो।+ तिनी गिलाद र मनस्सेको इलाका हुँदै गिलादको मिस्पा गए+ अनि त्यहाँबाट अम्मोनीहरूसित युद्ध गर्न गए।

२४ केही समयपछि मानोहकी पत्नीले एउटा छोरा जन्माइन्‌ अनि उसको नाम सिमसोन+ राखियो। त्यो बालक हुर्कँदै जाँदा यहोवा परमेश्‍वरले उसलाई आशिष्‌ दिइरहनुभयो। २५ पछि सिमसोन जोराह र एस्ताओलको+ बीचमा पर्ने महनेह-दानमा+ छँदा यहोवा परमेश्‍वरको पवित्र शक्‍ति तिनीमाथि आयो।+

६ तब यहोवा परमेश्‍वरको पवित्र शक्‍ति सिमसोनमाथि आयो+ र कसैले बाख्राको पाठोलाई हातैले दुई फ्याक पारेझैँ तिनले त्यस सिंहलाई दुई फ्याक पारिदिए। तर तिनले यसबारे आफ्ना बुबा वा आमालाई केही भनेनन्‌।

१४ सिमसोनलाई लेहीमा ल्याएको देखेपछि पलिस्तियालीहरू खुसीले कराए। तब तिनीमाथि यहोवा परमेश्‍वरको पवित्र शक्‍ति आयो+ र तिनको पाखुरामा बाँधिएको डोरी आगोले खाएको मलमलको धागोजस्तै धुजाधुजा भयो र तिनको हात बाँधिएको डोरी पनि फुस्कियो।+

६ तब तिनले मलाई भने: “यरुबाबेलको लागि यहोवा परमेश्‍वरको यस्तो सन्देश छ: ‘“न कुनै सैन्य शक्‍तिले न त मानिसको बलले+ तर मेरो शक्‍तिले,”+ सेनाहरूका यहोवा भन्‍नुहुन्छ।