२५ त्यसैले यहोवाको क्रोध उहाँका मानिसहरूमाथि दन्कनेछ।

उहाँले आफ्नो हात उठाएर तिनीहरूलाई हिर्काउनुहुनेछ।+

पहाडहरू थरथर काँप्नेछन्‌

र तिनीहरूको लास सडकको फोहोरमैलाझैँ हुनेछ।+

तैपनि उहाँको रिस मरेको छैन।

तिनीहरूलाई हिर्काउन उहाँको हात अझै पनि उठिरहेको छ।

 ४ कैदीहरूसँगसँगै कोचिएर बस्नु

वा मारिएकाहरूसित लम्पसार पर्नुबाहेक

तिमीहरूसामु अरू विकल्प रहनेछैन।

तैपनि उहाँको* रिस अझै मरेको छैन।

तिमीहरूलाई हिर्काउन उहाँको हात अझै पनि उठिरहेको छ।+