३ “त्यसपछि म बाँकी रहेका आफ्ना भेडाहरूलाई फर्काएर ल्याउनेछु। तिनीहरूलाई जहाँ-जहाँ तितरबितर पारेको थिएँ, ती सबै ठाउँबाट फर्काएर ल्याउनेछु।+ म तिनीहरूलाई तिनीहरूको खर्कमा फर्काउनेछु।+ त्यसपछि तिनीहरू फल्नेछन्‌-फुल्नेछन्‌ र सङ्‌ख्यामा बढ्‌दै जानेछन्‌।+

२५ “त्यसैले ब्रह्‍माण्डका मालिक यहोवा यसो भन्‍नुहुन्छ: ‘निर्वासित भएका याकुबका सन्तानलाई म फर्काएर ल्याउनेछु+ र इस्राएलको सम्पूर्ण घरानामाथि कृपा गर्नेछु।+ म आफ्नो पवित्र नाममा कुनै हालतमा कलङ्‌क लाग्न दिनेछैनँ।+

१४ कैदमा लगिएको मेरो प्रजा इस्राएललाई म जम्मा गर्नेछु+

अनि तिनीहरूले उजाड पारिएका सहरहरू पुनर्निर्माण गर्नेछन्‌ र तिनमा बसोबास गर्नेछन्‌;+

तिनीहरूले अङ्‌गुर बगान लगाउनेछन्‌ र मद्य पिउनेछन्‌+

अनि फलफूलका बगानहरू लगाउनेछन्‌ र त्यसका फलहरू खानेछन्‌।’+

१२ ए याकुब, म निश्‍चय नै तिमीहरू सबैलाई बटुल्नेछु;

इस्राएलका बाँकी रहेकाहरूलाई म अवश्‍य भेला गर्नेछु।+

गोठका भेडाहरूलाई जस्तै, खर्कमा चरिरहेको बगाललाई जस्तै

म तिनीहरूलाई एक बनाउनेछु।+

त्यहाँ जताततै मानिसहरूको स्वर सुनिनेछ।’+

१० हे सियोनकी छोरी,

बेथा लागेकी स्त्रीजस्तै छटपटाऊ र सुस्केरा हाल

किनकि तिमी सहरबाट निस्केर मैदानमा बस्नेछ्यौ।

तिमी टाढा बेबिलोनसम्म जानेछ्यौ+

र त्यहाँ तिम्रो उद्धार गरिनेछ;+

त्यहाँ यहोवाले मोल तिरेर तिमीलाई शत्रुहरूको हातबाट फिर्ता ल्याउनुहुनेछ।+

२० त्यसबेला म तिमीहरूलाई फर्काएर ल्याउनेछु,

त्यसबेला म तिमीहरूलाई एकसाथ जम्मा गर्नेछु।

कैदमा परेका तिमीहरूका मानिसहरूलाई म तिमीहरूकै आँखाअगाडि फर्काएर ल्याउनेछु

अनि पृथ्वीका सबै जातिसामु म तिमीहरूको प्रशंसा गराउनेछु र तिमीहरूले सम्मान पाउनेछौ,”+ यहोवा भन्‍नुहुन्छ।+