२० परमेश्‍वरको पवित्र शक्‍ति पुजारी यहोयादाका+ छोरा जकरियामाथि आयो। तिनी मानिसहरूसामु एउटा अग्लो ठाउँमा उभिए र भने: “साँचो परमेश्‍वर यसो भन्‍नुहुन्छ, ‘तिमीहरू किन यहोवा परमेश्‍वरको आज्ञा उल्लङ्‌घन गर्छौ? तिमीहरू सफल हुनेछैनौ। तिमीहरूले यहोवा परमेश्‍वरलाई त्यागेको हुनाले उहाँले पनि तिमीहरूलाई त्याग्नुहुनेछ।’”+ २१ तर ती मानिसहरूले तिनीविरुद्ध षड्‌यन्त्र रचे+ र राजाको आदेशबमोजिम यहोवा परमेश्‍वरको भवनको चोकमा तिनलाई ढुङ्‌गाले हानेर मारे।+ २२ यसरी राजा यहोआसले जकरियाको बुबा यहोयादाले आफूलाई देखाएको अटल प्रेम बिर्से अनि उनको छोरालाई मारे। मर्ने बेला जकरियाले यसो भनेका थिए: “यहोवा परमेश्‍वरले यो देखून्‌ र तिमीसित लेखा लेऊन्‌।”+