५५ येसुको सेवासुसार गर्न गालिलबाट उहाँसँगै आएका थुप्रै स्त्रीले पनि टाढैबाट हेरिरहेका थिए।+ ५६ ती स्त्रीहरूमध्ये मरियम मग्दलिनी, याकुब र योसिकी आमा मरियम अनि याकुब र युहन्‍नाकी आमा* पनि थिए।+

४० त्यहाँ केही स्त्री टाढैबाट हेरिरहेका थिए। तिनीहरूमा मरियम मग्दलिनी, सानो याकुब र योसिकी आमा मरियम अनि सलोमी पनि थिए।+ ४१ उहाँ गालिलमा हुँदा तिनीहरू उहाँसँगै हिँड्‌थे र उहाँको सेवा-सुसार गर्थे।+ यसबाहेक उहाँसँगै यरुसलेम उक्लेका अरू थुप्रै स्त्री पनि त्यहीँ थिए।

२ उहाँसँगै केही स्त्रीहरू पनि थिए, जसबाट उहाँले प्रेतहरू धपाउनुभएको थियो अनि जसका रोगबिमारहरू उहाँले निको पार्नुभएको थियो। तिनीहरूमध्ये मग्दलिनी भनिने मरियम पनि थिइन्‌, जसबाट सात वटा प्रेत निकालिएको थियो। ३ साथै हेरोदको घरको रेखदेख गर्ने नाइके खुजाकी पत्नी योअन्‍ना,+ सुसन्‍ना अनि अरू थुप्रै स्त्री पनि थिए। यिनीहरूले आफ्नो सम्पत्ति खर्चेर येसु अनि उहाँका चेलाहरूको सेवा गरिरहेका थिए।+