प्रस्थान
११ यहोवा परमेश्वरले मोसालाई भन्नुभयो: “म फारो र मिश्रमाथि अब अर्को एउटा विपत्ति ल्याउनेछु। त्यसपछि उनले तिमीहरूलाई यहाँबाट पठाउनेछन्;+ तिमीहरूलाई एकछिन पनि राख्नेछैनन्, पठाइहाल्नेछन्।+ २ तिमीले सबै इस्राएली पुरुष र स्त्रीलाई आ-आफ्ना मिश्री छिमेकीहरूसित सुन र चाँदीका सरसामान माग्न लगाऊ।”+ ३ अनि यहोवा परमेश्वरले मिश्रीहरूलाई आफ्ना मानिसहरूमाथि निगाह गर्न लगाउनुभयो। साथै मिश्रमा फारोका चाकरहरू र मानिसहरूले मोसाको निकै सम्मान गर्न थाले।
४ मोसाले फारोलाई भने: “यहोवा परमेश्वर यसो भन्नुहुन्छ, ‘म मध्यराततिर मिश्रमा पस्नेछु+ ५ अनि मिश्रभरि सबैको पहिलो सन्तान मर्नेछन्+—राजसिंहासनमा बस्ने फारोको पहिलो सन्तानदेखि लिएर जाँतो पिँध्ने कमारीको पहिलो सन्तानसमेत अनि वस्तुभाउको समेत पहिलो सन्तान मर्नेछन्।+ ६ मिश्रभरि ठूलो रुवाबासी हुनेछ, जुन पहिला कहिल्यै भएको थिएन न त पछि फेरि हुनेछ।+ ७ तर इस्राएलीहरू र तिनीहरूका वस्तुभाउलाई देखेर एउटा कुकुरले समेत भुक्नेछैन। यहोवाले मिश्रीहरूसित र इस्राएलीहरूसित फरक-फरक व्यवहार गर्न सक्नुहुन्छ भनेर यसैबाट तिमीले थाह पाउनेछौ।’+ ८ परमेश्वरले यो विपत्ति ल्याएपछि हजुरका सबै चाकर मकहाँ आउनेछन् र मलाई दण्डवत् गर्दै यसो भन्नेछन्, ‘तपाईँ र तपाईँको पछि लाग्ने सबै मानिस यहाँबाट गइहाल्नुहोस्।’+ त्यसपछि म जानेछु।” अनि रिसले चूर हुँदै मोसा फारोकहाँबाट निस्के।
९ अनि यहोवा परमेश्वरले मोसालाई भन्नुभयो: “फारोले तिम्रो कुरा सुन्नेछैनन्+ किनभने मिश्रमा मैले अझ धेरै चमत्कार देखाउन बाँकी नै छ।”+ १० मोसा र हारुनले यी सबै चमत्कार फारोकै सामने गरे+ तर यहोवा परमेश्वरले फारोको हृदय कठोर हुन दिनुभयो। त्यसैले उनले इस्राएलीहरूलाई मिश्रबाट जान दिएनन्।+