व्यवस्था
३४ त्यसपछि मोसा मोआब देशको मरुभूमिबाट नेबो डाँडामा,+ पिस्गाहको टुप्पोमा+ उक्ले, जुन यरिहोको अगाडि पर्छ।+ त्यहाँबाट यहोवा परमेश्वरले मोसालाई पूरै देश देखाउनुभयो; गिलाददेखि दानसम्म,+ २ नप्तालिको, एप्रैमको र मनस्सेको इलाका अनि पश्चिमको समुद्रसम्म* फैलिएको यहुदाको पूरै इलाका,+ ३ नेगेबको इलाका+ अनि यर्दनको इलाका, जसमा खजुरका बोटहरूको सहर यरिहोको बेँसी पनि पर्छ र जुन जोअरसम्म फैलिएको छ।+
४ अनि यहोवा परमेश्वरले मोसालाई भन्नुभयो: “मैले अब्राहाम, इसहाक र याकुबलाई दिन्छु भनेर कसम खाएको देश यही हो। तिनीहरूलाई मैले यसो भनेको थिएँ, ‘म तिम्रा सन्तानलाई यो ठाउँ दिनेछु।’+ यो ठाउँ तिमीले आफ्नै आँखाले देख्न पायौ तर तिमी त्यहाँ जान भने पाउनेछैनौ।”+
५ यहोवा परमेश्वरले भन्नुभएझैँ यहोवाका सेवक मोसा त्यहीँ मोआब देशमा मरे।+ ६ परमेश्वरले मोसालाई मोआब देशको बेँसीमा बेथ-पोअरको सामने गाड्नुभयो। मोसाको चिहान कहाँ छ भनेर अहिलेसम्म कसैलाई थाह छैन।+ ७ मोसाको मृत्यु हुँदा तिनी १२० वर्षका थिए।+ त्यसबेलासम्म पनि तिनका आँखा धमिला भएका थिएनन् र तिनको बल घटेको थिएन। ८ मोसा मरेपछि इस्राएलीहरूले ३० दिनसम्म मोआबको मरुभूमिमा रुवाबासी गरे।+ त्यसपछि मोसाको निम्ति रुने र शोक गर्ने समय सिद्धियो।
९ नुनका छोरा यहोसु बुद्धिले* भरिपूर्ण मानिस थिए किनकि आफू मर्नुअघि मोसाले तिनीमाथि हात राखेर तिनलाई इस्राएलीहरूको अगुवा नियुक्त गरेका थिए।+ त्यसपछि इस्राएलीहरूले यहोसुको कुरा सुन्न थाले र तिनीहरू यहोवा परमेश्वरले मोसालाई दिनुभएको आज्ञाअनुसारै चले।+ १० इस्राएलमा मोसाजस्तो भविष्यवक्ता पछि कोही देखा परेनन्,+ जोसँग यहोवा परमेश्वरले आमनेसामने कुरा गर्नुभएको थियो।+ ११ यहोवा परमेश्वरले फारो र तिनका सेवकहरूसामु अनि तिनको सारा देशमा जुन-जुन चमत्कार गर्न र चिन्ह देखाउन मोसालाई पठाउनुभएको थियो, उनले ती सबै गरे।+ १२ मोसाले सारा इस्राएलीसामु पनि शक्तिशाली र आश्चर्यजनक कामहरू गरे।+