अध्ययन संस्करण

अध्ययन लेखहरूको उद्देश्‍य

अध्ययन लेख १, २ पृष्ठ ३-१२

यी लेखहरूले विवाहको सन्दर्भमा यहोवाले दिनुभएको सल्लाह लागू गर्नुपर्ने ठोस कारण दिन्छ। साथै परमेश्‍वरले उपहारस्वरूप दिनुभएको विवाहको प्रबन्धप्रति हाम्रो कृतज्ञता बढाउँछ। अनि कमजोर वैवाहिक सम्बन्ध बलियो बनाउन सक्दो गर्नु किन आवश्‍यक छ भनी बुझाउँछ र धर्मशास्त्रीय सल्लाह लागू गरेर वैवाहिक जीवन कसरी आनन्दित बनाउन सकिन्छ भनेर पनि बताउँछ।

अध्ययन लेख ३ पृष्ठ १७-२१

यहोवा तोकेकै समयमा आफ्नो उद्देश्‍य पूरा गर्ने परमेश्‍वर हुनुहुन्छ भनेर हामी किन भन्‍न सक्छौं, यस लेखले बुझाउँछ। यसले यहोवाप्रति अनि उहाँको वचन बाइबलप्रति हाम्रो विश्‍वास बढाउँछ। साथै यहोवाले दिनुहुने छुटकारा पर्खंदै गर्दा बुद्धिमतापूर्वक समयको प्रयोग गर्ने हाम्रो सङ्‌कल्पलाई पनि बलियो बनाउँछ।

अध्ययन लेख ४ पृष्ठ २३-२७

परमेश्‍वरलाई प्रेम गर्ने भए तापनि हामी त्रुटिपूर्ण छौं। तैपनि हामी यहोवाको गौरव प्रतिबिम्बित गर्न चाहन्छौं। यसो गर्न कसरी सम्भव छ भनी यस लेखले बताउँछ। हामीले परमेश्‍वरको देखासिकी गर्न र उहाँलाई खुसी बनाउन के गर्नै पर्छ भनेर पनि यस लेखले बताउँछ। (एफि. ५:१) उहाँको गौरव प्रतिबिम्बित गर्ने कामलाई हामी कसरी निरन्तरता दिन सक्छौं भनेर पनि यस लेखले बुझाउँछ।