अध्ययन संस्करण

यहोवा सधैं राजा हुनुहुन्छ भन्‍ने प्रमाण यस लेखमा दिइएको छ। उहाँले स्वर्ग र पृथ्वीमा भएका आफ्नो सृष्टिमाथि कसरी शासन गर्नुभएको छ, त्यो बुझ्न पनि यस लेखले मदत गर्नेछ। युगयुगका महाराजा यहोवाको उपासना गर्ने छनौट गरेकाहरूको उदाहरण अनुकरण गर्न पनि यस लेखले हामीलाई प्रोत्साहन दिनेछ।

मसीही राज्यले बितेको १०० वर्षमा हासिल गरेका उपलब्धिहरूको अझै कदर गर्न यस लेखले हामीलाई मदत गर्नेछ। हामी प्रत्येकलाई राज्यको वफादार प्रजा हुन प्रोत्साहन दिनेछ। सन्‌ २०१४ को वार्षिक पदको पूरा अर्थ बुझ्न पनि यस लेखले मदत गर्नेछ।

यहोवालाई जीवन समर्पण गरेका जोसुकैले आफैलाई सोध्नुपर्ने महत्त्वपूर्ण प्रश्‍न हो: जीवनमा अझै केही गर्न सक्छु कि? पहिलो लेखमा युवावस्थाका ख्रीष्टियनहरूलाई तनमनले यहोवाको सेवा गर्न मदत गर्ने केही सिद्धान्तबारे छलफल गरिएको छ। अनि दोस्रो लेखमा ढल्कँदो उमेरका ख्रीष्टियनहरूले आफ्नो सेवा विस्तार गर्न सक्ने केही तरिकाबारे छलफल गरिएको छ।

आज थुप्रै मानिस अन्त नजिकै छ भनेर विश्‍वास गर्दैनन्‌। किनकि उनीहरूले संसारमा भइरहेका घटनाहरूको वास्तविक अर्थ बुझेका छैनन्‌ अनि दैनिक कामकुराले गर्दा उनीहरूको ध्यान खलबलिएको छ। यस लेखमा परमेश्‍वरको राज्यले यस दुष्ट युग अन्त गर्नेछ भनेर ढुक्क हुन सक्ने तीनवटा महत्त्वपूर्ण कारणबारे छलफल गरिएको छ।