हाम्रा समस्याहरू ब्रोश्यर प्रयोग गर्दै अध्ययन सुरु गर्ने।
१ हालसालै राज्यको समाचारमा चासो देखाएका एक जना व्यक्तिसित कुरा गर्नु भए पछि एक वा दुई दिन अथवा एक साता नै बितिसक्यो होला। बाइबल साहित्य तिनले लिएको वा नलिएको भए तापनि, तिनले देखाएका जे जत्ति चासोको यथासंभव चाँडो विकास गर्नु महत्त्वपूर्ण छ।
२ प्रथम भेट पछि तपाईंले होसियारीपूर्वक लिनु भएको टिपोट पढ्नु होस्। त्यस पछि, आफ्नो प्रचार ब्याग तयार गर्नु हुँदा, पहिलो पटक दिनु भएको साहित्यको एउटा प्रति पनि त्यसमा हाल्नु होस्। यसको प्रयोग तपाईंले पुनःभेटका सिलसिलामा गर्न सक्नु हुने छ।
“हाम्रा समस्याहरू” ब्रोश्यर दिनु भएको छ भने, तपाईंले यसो भन्न सक्नु हुन्छ:
◼ “तपाईंलाई फेरि भेट्न पाएकोमा म धेरै नै खुशी छु। पछिल्लो पाली तपाईं सित कुरा गर्दा, परमेश्वरले आफ्नो राज्यद्वारा हाम्रा सबै समस्याहरू हल गर्नु हुने छ भनेर प्रमाणित गर्नका लागि, मैले तपाईंलाई यो ब्रोश्यर देखाएँ र साथै हामीले एउटा शास्त्रपद्य पनि पढ्यौं। हल हुने समस्याहरू मध्ये रोग एवं शारीरिक असमर्थताबाट उत्पन्न हुने समस्याहरू पनि सम्मिलित छन्। यो विश्वास गर्न के तपाईंलाई गाह्रो लाग्छ? [घरपट्टीलाई जवाफ दिने समय दिनु होस्।] तपाईं सित छाडेर गएको ब्रोश्यरको पृष्ठ १९-को अनुच्छेद १-मा पाइने यो बुँदामाथि ध्यान दिनु होस् न।” त्यो अनुच्छेद पढी दिनु होस्, तथा त्यसपछिको अनुच्छेदबाट एक दुईवटा शास्त्रपद्य माथि छलफल गर्नु होस्। यहाँ, बाइबल अध्ययन सुरु हुँदै छ!
३ भविष्यमा त्यहाँ फेरि जाने बाटो बनाउँन, यसो भन्दै तपाईंले वार्तालापलाई समाप्त गर्न सक्नु हुन्छ:
◼ “हुनः त, हामीले विचार गरेका सबै कुरा बाइबलमा छ, तर बाइबलले भनेका कुराहरूलाई वास्तवमा कसरी विश्वास गर्ने भनी धेरै मानिसहरू दुबिधामा छन्। अर्को पाली आउँदा, यस विषयमा छलफल गर्न म तपाईं सित केही मिनेट बिताउन चाहन्छु।” चासोलाई विकास गर्न तपाईं फर्केर आउनु हुँदा, ब्रोश्यरको पृष्ठ २४, अनुच्छेद २-को “निर्देशन पुस्तक” उपशीर्षकबाट छलफल जारी राख्नु होस्।
४ कमै साहित्य वितरण हुने इलाकामा: चासो देखाउँने तर साहित्य नलिने मानिसहरूकहाँ जाँदा उक्त प्रस्तुतिलाई नै चलाउँन सकिन्छ। पछिल्लो वार्तालापको दौडानमा प्रस्तुत गर्नु भएको ब्रोश्यरलाई नै तपाईंले प्रयोग गर्न सक्नु हुन्छ। घरपट्टीले ब्रोश्यर स्वीकार्नभन्दा अघि, तपाईं बारम्बार बाइबल र आफ्नै ब्रोश्यरको प्रयोग गर्दै पुनःभेटमा जान आवश्यक पर्न सक्छ। यदि तपाईंले एउटा पत्रिका दिनु भएको छ भने चाहिं चासोको विकास गर्न जाँदा हाम्रा समस्याहरू ब्रोश्यरबाट सम्बन्धित विषयलाई उल्लेख गर्नु होस्।
५ हाम्रा समस्याहरू ब्रोश्यरबाट बाइबल अध्ययन थाल्ने असल पुनःभेटहरूको तयारी, रीʹजनइङ् (Reasoning. नेपालीमा उपलब्ध छैन।) पुस्तकको पृष्ठहरू १५४-६ का सामग्री लिएर गर्न सकिन्छ। यो प्रश्न सोध्न सकिन्छ: “बाइबलका अग्रिमवाणीहरू सधैं नै अचूक रूपले पूरा हुने गर्छन भनी के तपाईंलाई थाहा छ? ती अग्रिमवाणीहरू मध्ये आज हामीले पूरा भइरहेको देख्न पाउने एउटा भविश्यवाणीको छलफल यो ब्रोश्यरले गर्दछ। साथै, यसले हाम्रो भविष्यबारे के भन्छ, त्यो पनि देखाउँछ।” त्यस पछि पृष्ठ १२ पल्टाउँनु होस् तथा “चिन्ह” उपशीर्षक अन्तर्गत दिइएको विषयसामग्री माथि छलफल गर्नु होस्।
६ तपाईंले कसैसित हाम्रा समस्याहरू ब्रोश्यर, दुईवटा पत्रिकाहरू वा कुनै पुस्तक छोडनु भएको छ वा साधारणतया एउटा चाखलाग्दो बाइबल छलफल मात्र गर्नु भएको छ भने पनि, चासोको विकास गर्ने जिम्मेवारी तपाईंको नै हो। अगस्त महिनामा केही समय निकालेर मानिसहरूको ज्यान बचाउने यो काममा सहभागी हुने प्रोत्साहन हामी तपाईं सबैलाई दिन्छौं।—१ तिमो० ४:१६.