परिचय
प्रत्येक व्यक्तिमाथि कुनै न कुनै समय दुःख आइपर्छ। जस्तै: तिनीहरू रोगबिमारको सिकार हुन सक्छन्, दुर्घटनामा पर्न सक्छन्, प्राकृतिक प्रकोप वा हिंसाको सिकार हुन सक्छन्।
मानिसहरू जवाफ पाउन चाहन्छन्।
कोही-कोही दुःखकष्टलाई भाग्यको खेल भन्छन् वा आफूमाथि आइपर्ने घटनाहरूमाथि हाम्रो थोरै मात्र नियन्त्रण हुन्छ भनेर तिनीहरू विश्वास गर्छन्।
अरूले भने कर्ममा विश्वास गर्छन्। तिनीहरूको विचारमा आफूले विगतमा वा पहिलेको जन्ममा गरेको खराब कामले गर्दा दुःख भोग्नुपर्छ।
दुःखकष्टले मानिसहरूलाई प्रश्नहरू सोध्न बाध्य पार्छ जसको जवाफ प्रायः तिनीहरूसित हुँदैन।