बुँदा ८
सुहाउँदो उदाहरण
मत्ति १३:३४, ३५
सारांश: प्रभावकारी तरिकामा सिकाउन श्रोताको मन छुने सरल उदाहरण प्रयोग गर्नुहोस् र मुख्य बुँदा प्रस्ट पार्नुहोस्।
कसरी गर्न सकिन्छ?
सरल उदाहरण रोज्नुहोस्। येसुले जस्तै महत्त्वपूर्ण कुरा बुझाउन साधारण कुराको उदाहरण दिनुहोस् अनि गाह्रो कुरा बुझाउन सरल कुराको उदाहरण दिनुहोस्। उदाहरणलाई जटिल बनाउने अनावश्यक कुराहरू नथप्नुहोस्। तपाईँले उदाहरणमा बताउनुभएको कुरा र सिकाउन खोज्नुभएको कुरा मेल खान्छ कि खाँदैन, पक्का गर्नुहोस्। यसो गर्नुभयो भने श्रोता अलमलमा पर्नेछैनन्।
श्रोतालाई मनमा राख्नुहोस्। श्रोतालाई चासो लाग्ने विषय वा श्रोतालाई थाह भएको कुनै क्रियाकलापलाई उदाहरणको रूपमा प्रस्तुत गर्नुहोस्। तपाईँको उदाहरण अरूलाई अप्ठेरोमा पार्ने वा ठेस पुऱ्याउने खालको हुनु हुँदैन।
मुख्य बुँदा प्रस्ट पार्नुहोस्। कम महत्त्वपूर्ण कुरालाई नभई मुख्य बुँदालाई प्रस्ट पार्न उदाहरण चलाउनुहोस्। श्रोताले उदाहरण मात्र नभई त्यसबाट सिक्न सकिने पाठ पनि सम्झन सक्नेगरि बताउनुहोस्।