गीत १६१
गर्छु इच्छा तिम्रो
(भजन ४०:८)
१. ख्रिष्ट येसु यर्दनबाट निस्के;
सुने मायालु स्वर तिम्रो।
भरियो है उनको मन जोसले
पूरा गर्न काम तिम्रो।
बाधा अड्चन ल्यायो शत्रुले,
भएनन् उनी ढलपल;
पछ्याउँदै उनको हरेक पाइला
हिँड्न चाहन्छु हरपल।
(कोरस)
पूरा गरूँ इच्छा तिम्रो,
यही चाहना छ मेरो।
साँचो खुसी दिन्छौ तिमी,
रमाउँछु म तिमीमै।
गर्छु सधैँ इच्छा तिम्रो,
आशा दियौ यत्ति ठूलो।
अटल माया, प्रेमका खानी
गर्नेछु म प्रशंसा
सदा तिम्रो!
२. चिन्न पाएँ तिम्लाई यहोवा,
भरियो जीवन खुसीले।
तिम्रो नाउँ, तिम्रो राज्य सन्देश
सुनाउँछु म गर्वले।
तिम्रा प्यारा जन सँगै मिली
गर्नेछु तिम्रो सेवा।
महिमा गर्दै तिम्रो नाउँको
जिउनेछु तिम्रै लागि।
(कोरस)
पूरा गरूँ इच्छा तिम्रो,
यही चाहना छ मेरो।
साँचो खुसी दिन्छौ तिमी,
रमाउँछु म तिमीमै।
गर्छु सधैँ इच्छा तिम्रो,
आशा दियौ यत्ति ठूलो।
अटल माया, प्रेमका खानी
गर्नेछु म प्रशंसा
सदा तिम्रो!
गर्छु इच्छा तिम्रो!