“स्वतन्त्रताका प्रेमीहरूको” जिल्ला सम्मेलनमा आउन तपाईंलाई निम्तो छ
नवम्बर १९८९ देखिन्, स्वतन्त्रताको विषयलाई पहिला भन्दा विशेष महत्व दिइएको छ। खासगरी, पूर्वीय युरोपका देशहरूले बितेका ४० वर्ष भन्दा बढ़ी समय भित्र, आज जतिको राजनैतिक स्वतन्त्रता अनुभव गरेका थिएनन्।
तर कुनै राजनैतिक स्वतन्त्रता भन्दा धेरै नै महान एउटा अर्को स्वतन्त्रता पनि छ। त्यस विषयमा हामी परमेश्वरको वचन बाइबलमा पढ़न सक्दछौं। येशू ख्रीष्टले एक पटक एसो भन्नुभएको थियो: “औ तिमीहरूले सत्य के हो, सो जान्ने छौ र सत्यले तिमीहरूलाई स्वतन्त्र तुल्याउने छ।” (यूहन्ना ८:३२) हो, समर्पित मसीहीहरू मानिसको डर, र पाप र मृत्यको बन्धनबाट स्वतन्त्र भएका छन्। यस विषयमा हामी रोमी ६:१८, २२ मा पढ़न सक्ने छौं। साथै “जहाँ प्रभुको [यहोवाको न्यू. व] आत्मा हुन्छ, त्यहाँ स्वतन्त्रता हुन्छ” भन्ने कुरा पनि हामीले पढ़ेका छौं। (२ कोरिन्थी ३:१७) परमेश्वरको वचनमा यो उज्यालो आशा पाउँदछौं: “परमेश्वरको सन्तानको महिमाको स्वतन्त्रतामा सृष्टि आफैले पनि विनाशको बन्धनबाट छुटकारा पाउनेछ।”—रोमी ८:२१.
वर्तमान समयमा, मसीही स्वतन्त्रता प्राप्त गर्न चाहनेले, जोड़ सित प्रयास गर्नु पर्दछ। यो कुनै सजिलो कुरा होइन। र यो स्वतन्त्रताबाट आनन्द उठाइ रहन, अझ धेरै प्रयत्न गर्न आवश्यक हुन्छ किनभने हाम्रो स्वतन्त्रता खोस्न चाहने यी शक्तिहरू छन्: शैतान, त्यसको दुष्ट संसार, र हामीले वंशानुगत् पाएका पापी झुकावहरू। तर यहोवा परमेश्वरले उहाँको प्रेरित वचन, उहाँको पवित्र आत्मा, र उहाँको दृश्य सङ्गठन द्वारा हाम्रो निम्ति मददको प्रबन्ध मिलाउनु भएको छ।—लूका ११:१३.
स्वतन्त्रताका सबै प्रेमीहरूलाई बलियो गरी स्वतन्त्रता समातेर राख्ने मदद दिनका लागि, यो साल यहोवाका साक्षीहरूको जिल्ला सम्मेलनहरूमा “स्वतन्त्रताका प्रेमीहरूलाई” भन्ने विषयलाई उचित महत्व दिइनेछ। यी तीन दिने सम्मेलनहरू शुक्रवार बिहान १०:२० मा शुरू हुनेछ र आइतवार बेलुकी ४:०० बजे समाप्त हुनेछ। यी सम्मेलनहरूमा आउने सबै नै आध्यात्मिक रूपमा ताजा हुनेछन्। औ उत्साहजनक भाषणहरू, चासो लाग्दो अन्तर्वार्ताहरू, प्रभावशाली प्रदर्शनहरू र बाइबलमा आधारित एउटा घत लाग्दो नाटक द्वारा सबैनै बलियो पारिनेछन्; यस बाहेक दुवै नया र पुराना साथी-भाइहरूसँग भेट गर्ने रमाइलो मौका, अरू हजारौंसँग मिलेर राज्यका हाम्रा गीतहरू गाउने आनन्द र हृदय भित्रबाट उत्पन्न सामूहिक प्रार्थनाहरूमा भाग लिने अवसरलाई पनि बिर्सनु भएन।
यहोवाका सबै समर्पित सेवकहरूलाई, शुक्रवार बिहान, यी सम्मेलनहरू शुरू हुनेबेलामा उपस्थित हुनदेखिन् कुनै कुराले पनि न रोकोस्। र बाइबल, सङ्गीतको पुस्तक बाहेक साथमा एउटा टिपण्णी लिने कापी र पेन्सील ल्याउन न बिर्सनु होस्। हो, स्वतन्त्र मानिसहरूको एउटा भाग भएर, आफ्नो आध्यात्मिक आवश्यकताबारे वास्तविक चेतना साथ आउनु होस्।—मत्ती ५:३. (w91 2/15)