के परिपक्व निर्णय गर्न तपाईंको बच्चा सक्षम छ?
१. रगतबारे मसीही जवानहरूले कस्तो अडान लिएका छन्? एउटा उदाहरण दिनुहोस्।
१ कस्तो परिपक्व निर्णय? रगत लिने, नलिने। मे १, १९९२ को प्रहरीधरहरा-मा प्रकाशित “यहोवाका शिक्षा अनुसार हिंड्नुहोस्” लेखमा यहोवाका साक्षीहरूका छोराछोरीले रगतसम्बन्धी परमेश्वरको आज्ञा पालन गर्नु आमाबाबुको लागि जत्ति महत्त्वपूर्ण छ, आफ्नो लागि पनि त्यति नै महत्त्वपूर्ण छ भनेर प्रमाण दिनुपरेका घटनाहरू दिइएका छन्। तर तपाईंको नाबालिग बच्चा नि?
२. रगत लिन इन्कार गर्ने एक नाबिलकबारे अदालतले कस्तो फैसला सुनायो र यसबाट मसीही आमाबाबु र नाबालिकहरूले के सिक्न सक्छन्?
२ ऐनमा के छ? अमेरिकाको एउटा उच्च अदालतले रगत लिने या नलिने निर्णय परिपक्व नाबिलकहरू आफैले गर्न सक्ने फैसला गरेका छन्। त्यो अदालत इलिनोइ सर्वोच्च अदालत हो। एक १७ वर्षिया बहिनीको मुद्दामा उक्त अदालतले यस्तो फैसला सुनायो: “परिपक्व नाबालिकलाई आफ्नो निर्णयको नतिजा थाह छ अनि वयस्ककै जस्तो निर्णय गर्ने क्षमता छ भने अमेरिकाको कमन ल-अनुसार तिनले रगत लिने या नलिने निर्णय गर्न सक्छन्।” रगत लिने या नलिने निर्णय गर्न नाबालिक कत्तिको परिपक्व छ, सो बुझ्न डाक्टर वा अधिकारीहरू उनकै मुखबाट सुन्न चाहन्छन्। अतः नाबालिकहरूले पनि आफ्नो रोगको गम्भीरता र रक्तविहीन उपचार स्वीकार्दा के हुन्छ, सो बुझ्नुपर्छ। अनि रगतबारे परमेश्वरको व्यवस्थाप्रति आफ्नो धार्मिक विश्वास के हो, स्पष्ट र दृढसित भन्न सक्नुपर्छ।
३. कस्ता प्रश्नहरूबारे आमाबाबुले गम्भीर भई सोच्नुपर्छ र किन?
३ बच्चाले के भन्ने? के तपाईंको बच्चाले रगतबारे आफ्नो अडान स्पष्ट बताउन सक्छ? ‘रगतबाट अलग रहनू’ परमेश्वरको आज्ञा नै हो भनेर के तिनले हृदयबाटै पूर्ण विश्वास गर्छ? (प्रेरि. १५:२९; २१:२५) के तिनले बाइबल पदबाट आफ्नो विश्वास व्यक्त गर्न सक्छ? आमाबाबु सँगै नहुँदा डाक्टरले ज्यानै खतरामा परेको ठहर गरेमा पनि के तिनी आफ्नो अडानमा टसमस नभई बस्न सक्छन्? “समय र अवसरलेनै सबैलाई अधीन गरेको” हुनाले निष्ठाको जाँच हुने गरी भविष्यमा आउन सक्ने कुनै पनि कठिनाइसित जुध्न छोराछोरीलाई कसरी सक्षम बनाउने?—उप. ९:११; एफि. ६:४.
४, ५. (क) आमाबाबुको कस्तो जिम्मेवारी छ र तिनीहरूले कसरी त्यो पूरा गर्न सक्छन्? (ख) छोराछोरीलाई मदत गर्न के-कस्ता प्रबन्धहरू छन्?
४ आमाबाबु हो, तपाईंले गर्नुपर्ने के हो? रगतबारे परमेश्वरको दृष्टिकोण के छ, सो सिकाउने जिम्मेवारी तपाईं आमाबाबुको हो। (२ तिमो. ३:१४, १५) स्पष्ट व्याख्या रीजनिङ पुस्तकको पृष्ठ ७०-७४ मा पाइन्छ। सो विषयवस्तु स-परिवार बसेर गहन अध्ययन गर्नुहोस्। पृष्ठ ७४-७६ को “कसैले यसो भन्छ भने—” शीर्षकको विषयवस्तुअनुसार आफ्नो विश्वास के हो, यस्तो विश्वास गर्नुको कारण के हो, सो कसरी अरूलाई बताउने भनी पूर्वाभ्यास गराउनुहोस्। (१ पत्रु. ३:१५) हाऊ क्यान ब्लड सेभ योर लाइफ पुस्तिका र जून १५, २००४ को प्रहरीधरहरा पृष्ठ १४-२४ मा यसबारे जानकारीहरू छन्। ट्रान्सफ्युजन-अल्टरनेटिभ्स् हेल्थ केयर—मिटिङ्ग पेसेन्ट निड्स एण्ड राइट र नो ब्लड—मेडिसिन मिट्स द च्यालेन्ज भिडियोहरूमा पनि रक्तविहीन उपचार र शल्यक्रियाका फाइदा तथा प्रभावकारीताबारे चित्तबुझ्दो जानकारीहरू पाइन्छन्। हाल यी भिडियोहरूको ट्रान्सफ्युजन अल्टरनेटिभ्स्—डकुमेन्ट्री सिरिज डी भी डी उपलब्ध छ। के तपाईं स-परिवारले हालै यी भिडियोहरू हेर्नुभएको छ?
५ आफ्ना छोराछोरीलाई रगतबारे परमेश्वरको “असल, मनपर्ने र सिद्ध इच्छा” के हो, सो प्रमाणित गर्न मदत दिनुहोस्। तब मात्र यहोवाले रुचाउने परिपक्व निर्णय गर्न तिनीहरू सक्षम हुन्छन्।—रोमी १२:२.