यो महिनाको मुख्य विषय: “जोडतोडले वचन प्रचार गर।”—२ तिमोथी ४:२.
सन् १९१४ सम्बन्धी हाम्रो विश्वासबारे तपाईं कसरी बुझाउन सक्नुहुन्छ?
कसैले आफ्नो विश्वासको कारण सोध्यो भने “जवाफ दिन सधैं तयार भइरहो” भनेर बाइबलमा हामीलाई प्रोत्साहन दिइएको छ। तर जवाफ “कोमल भाव र गहिरो आदर”-का साथ दिनुपर्छ भनेर पनि बताइएको छ। (१ पत्रु. ३:१५) कहिलेकाहीं हामीलाई बाइबलका गहिरा-गहिरा सत्य कुराहरू अरूलाई बुझाउन गाह्रो लाग्न सक्छ। जस्तै: सन् १९१४ मा परमेश्वरको राज्य स्थापित भयो भनेर हामी किन विश्वास गर्छौं? हाम्रो मदतको लागि दुइटा भाग भएको “छिमेकीसित कुराकानी—परमेश्वरको राज्यले कहिलेदेखि शासन गर्न थाल्यो?” भन्ने लेख तयार पारिएको छ। यी लेखहरू अक्टोबर र नोभेम्बर महिनाको प्रचारकार्यमा वितरण गरिने प्रहरीधरहरा-का अङ्कहरूमा आउनेछन्। यी लेखहरू पढ्नुहुँदा तल दिइएका प्रश्नहरूबारे विचार गर्दै गगन नाम गरेका साक्षीले सन् १९१४ बारे घरधनीलाई कसरी बुझाए भनेर याद गर्नुहोस्।
तिनले कसरी. . .
घरधनीको प्रशंसा गर्दै दुवै जना सहमत हुने विषयबाट कुराकानी थाले?—प्रेषि. १७:२२.
आफ्नो विश्वासबारे बताउँदा नम्रता देखाए?—प्रेषि. १४:१५.
तिनले यसो गर्नु किन ठीक थियो?
थप बुँदाहरू बताउनुअघि बेलाबेलामा सारांशमा मुख्य कुराहरू दोहोऱ्याउनु।
बीच-बीचमा रोकिंदै घरधनीले कुराकानी बुझिरहेका छन् कि छैनन् भनेर सोध्नु।
एक पटकको छलफलमा धेरै जानकारी नदिनु।—यूह. १६:१२.
हाम्रा महान् “गुरु” यहोवा परमेश्वरले सत्यका भोकाहरूलाई बाइबलका गहिरा-गहिरा सत्य कुराहरू सिकाउन हामीलाई मदत गर्नुभएको छ। यसको लागि हामी उहाँप्रति साँच्चै आभारी छौं!—यशै. ३०:२०.