प्रचारकार्यमा अझै उन्‍नति गर्ने—पत्रिका रुटद्वारा चासो जगाउनुहोस्‌

यसो गर्नु किन महत्त्वपूर्ण छ? हाम्रो पत्रिका पढ्‌ने सबै मानिसहरू हामीसित बाइबल अध्ययन गर्छन्‌ भन्‍ने छैन। तिनीहरू आफ्नै धर्ममा सन्तुष्ट हुन सक्छन्‌ वा तिनीहरूलाई अध्ययन गर्ने समय छैन जस्तो लाग्न सक्छ। तर नियमित तवरमा हाम्रा पत्रिकाहरू पढ्‌दै जाँदा तिनीहरूमा परमेश्‍वरको वचनको तिर्सना जाग्न सक्छ। (१ पत्रुस २:२) पत्रिकाको कुनै लेखले तिनीहरूको मन छुन सक्छ अथवा तिनीहरूको परिस्थिति परिवर्तन भएको हुन सक्छ। छोटो र नियमित भेटले तिनीहरूलाई हामीसित कुराकानी गर्न सजिलो बनाउन सक्छ। यसो गर्दा तिनीहरूको चासो र चिन्ताको विषय सजिलै बुझ्ने मौका पाउँछौं। समयको दौडान बाइबल अध्ययन सुरु गर्न पनि सक्नेछौं।