ख्रिष्टियन जीवन
असल कामहरू, जुन कहिल्यै बिर्सिइनेछैनन्
यहोवाका सबै सेवकले उहाँलाई चढाइने पवित्र सेवामा असल काम गर्न सक्छन्, जुन कहिल्यै बिर्सिइनेछैनन्। मायालु आमाबुबाले आफ्ना छोराछोरीले गरेका असल कामहरू कहिल्यै नबिर्सेजस्तै यहोवाले पनि हामीले गरेको असल काम र उहाँको नामको निम्ति देखाएको प्रेम कहिल्यै बिर्सनुहुनेछैन। (मत्ति ६:२०; हिब्रू ६:१०) हो, हामी सबैको क्षमता र अवस्था फरक-फरक छ। तैपनि यहोवाको सेवामा सक्दो गर्दा हामी रमाउन सक्छौँ। (गला ६:४; कल ३:२३) वर्षौँको दौडान हजारौँ दाजुभाइ दिदीबहिनीले बेथेलमा सेवा गरेका छन्। के तपाईँ बेथेलमा स्वयंसेवकको रूपमा सेवा गर्न सक्नुहुन्छ? सक्नुहुन्न भने के तपाईँ अरूलाई बेथेल सेवा गर्न प्रोत्साहन दिन सक्नुहुन्छ? अथवा बेथेल परिवारको कुनै सदस्यलाई यस विशेष सेवामा लागिरहन प्रोत्साहन दिन सक्नुहुन्छ?
बेथेल सेवा गर्न तयार हुनुहोस् भन्ने भिडियो हेर्नुहोस्। त्यसपछि निम्न प्रश्नहरूको जवाफ दिनुहोस्:
हामीलाई बेथेल सेवा गर्न केले उत्प्रेरित गर्छ?
बेथेलमा सेवा गर्दा पाइने आशिष्हरूबारे कसै-कसैले के बताएका छन्?
बेथेलमा सेवा गर्न कस्ता योग्यताहरू पूरा गरेको हुनुपर्छ?
तपाईँ कसरी बेथेल सेवाको लागि आवेदन दिन सक्नुहुन्छ?