ख्रिष्टियन जीवन
यहोवा स्वच्छ मानिसहरू मन पराउनुहुन्छ
“हात धोऊ। कोठा सफा गर। बढारकुँढार गर। फोहोर जथाभाबी नफ्याँक।” धेरैजसो आमाबुबा यस्तै केही भनेर आफ्ना छोराछोरीलाई शारीरिक रूपमा सफा हुन सिकाउँछन्। तथापि सफा रहन पालन गर्नुपर्ने विभिन्न सिद्धान्तहरू सबैभन्दा सुरुमा हाम्रा पवित्र परमेश्वरले दिनुभएको हो। (प्रस्थ ३०:१८-२०; व्य २३:१४; २को ७:१) आफ्नो शरीर तथा सरसामान सफा राख्दा हामीले यहोवा परमेश्वरको महिमा गरिरहेका हुन्छौँ। (१प १:१४-१६) त्यसोभए आफ्नो घर र घरवरपर नि? मानिसहरू बाटोमा अनि पार्कहरूमा जहाँ मन लाग्यो, त्यहाँ फोहोर फाल्ने गर्छन्। तर त्यसको ठीक विपरीत ख्रिष्टियनहरू भने यस घररूपी पृथ्वीलाई सफा राख्न सक्दो कोसिस गर्छन्। (भज ११५:१६; प्रका ११:१८) प्रायः मानिसहरूले साधारण ठान्ने कुरा, जस्तै चकलेटको खोल, खाली बोतल वा चुइङगम कहाँ फाल्छौँ, त्यसले पनि सरसफाइसम्बन्धी हाम्रो दृष्टिकोण कस्तो छ भनेर देखाउँछ। जीवनको हरेक क्षेत्रमा हामी आफूलाई “परमेश्वरका सेवकहरूको रूपमा सिफारिस” गर्न चाहन्छौँ।—२को ६:३, ४.
यहोवा स्वच्छ मानिसहरू मन पराउनुहुन्छ भन्ने भिडियो हेर्नुहोस् अनि निम्न प्रश्नहरूको जवाफ दिनुहोस्:
आफ्नो सर-सामान सफा नराखेकोमा कोही-कोहीले कस्तो बहाना बनाउँछन्?
मोसाको व्यवस्थाले सरसफाइसम्बन्धी यहोवाको दृष्टिकोण कसरी प्रकट गर्छ?
हामी कसरी विनावचन यहोवाबारे साक्षी दिन सक्छौँ?
सरसफाइसम्बन्धी यहोवाको जस्तै दृष्टिकोण राखेको कुरा म आफ्नो व्यक्तिगत जीवनमा कसरी देखाउन सक्छु?