ख्रिष्टियन जीवन
झूटो कुरा फैलाउनदेखि जोगिनुहोस्
आज कुनै पनि जानकारी छापिएको प्रकाशन, रेडियो, टेलिभिजन र इन्टरनेटजस्ता माध्यमद्वारा लाखौँ मानिससित तुरुन्तै बाँड्न सकिन्छ। “सत्यका परमेश्वर”-का उपासकहरू अनजानमा समेत झूट फैलाउन चाहँदैनन्। (भज ३१:५; प्रस्थ २३:१) झूट फैलाउनु हानिकारक हुन्छ। कुनै कुरा सत्य हो कि होइन भनेर पत्ता लगाउन आफैलाई निम्न प्रश्नहरू सोध्नुहोस्:
‘के यो कुरा भरपर्दो स्रोतबाट आएको हो?’ तपाईँलाई जानकारी दिने व्यक्तिलाई सबै सत्यतथ्य थाह नहुन सक्छ। कुनै कुरा ‘एक कान, दुई कान, मैदान’ हुँदा त्यसमा बिस्तारै अरू कुरा पनि थपथाप हुँदै जान्छ। त्यसैले यदि तपाईँलाई त्यस जानकारीको वास्तविक स्रोतबारे थाह छैन भने होसियार हुनुहोस्। मण्डलीका जिम्मेवार व्यक्तिहरूलाई जानकारीको भरपर्दो स्रोत ठानिने भएकोले तिनीहरू सत्य प्रमाणित नभइसकेको जानकारी अरूसित बाँड्नदेखि झनै होसियार हुनुपर्छ
‘के यो जानकारी कसैको निन्दा गर्ने किसिमको छ?’ यदि कुनै कुराले कुनै व्यक्ति वा समूहको असल नाममा कलङ्क लगाउँछ भने त्यो नदोहोऱ्याउनु नै बेस हो।—हित १८:८; फिलि ४:८
‘के यो जानकारी विश्वासयोग्य छ?’ कुनै सनसनीपूर्ण कथा र अनुभव सुन्दा होसियार हुनुहोस्
अरूको कुरा किन काट्नु हुँदैन? भिडियो हेर्नुहोस् अनि निम्न प्रश्नहरूको जवाफ दिनुहोस्:
हितोपदेश १२:१८ अनुसार बोलीले कस्तो हानि पुऱ्याउन सक्छ?
फिलिप्पी २:४ ले कसरी अरूबारे सन्तुलित भएर कुरा गर्न मदत गर्छ?
कसैले अरूको कुरा काट्न थाल्यो वा अरूबारे नकारात्मक कुरा गर्न थाल्यो भने के गर्न सक्छौँ?
अरूबारे कुरा गर्नुअघि हामीले आफैलाई कस्ता प्रश्नहरू सोध्न सक्छौँ?