ख्रिष्टियन जीवन
यहोवासितको सम्बन्धलाई अनमोल ठान्नुहोस्
हामी यहोवाका साक्षीहरूले एउटा सुअवसर पाएका छौँ। बप्तिस्मा गरेका समर्पित ख्रिष्टियनहरूको रूपमा हामीले ब्रह्माण्डका मालिक यहोवासित गाँसेको सम्बन्धलाई बलियो बनाउँदै लान सक्छौँ। उहाँले आफ्नो छोरामार्फत हामीलाई आफूतर्फ खिच्नुभएको छ। (युह ६:४४) उहाँ हाम्रो प्रार्थना सुन्नुहुन्छ।—भज ३४:१५.
हामीले परमेश्वरसित गाँसेको अनमोल सम्बन्धलाई कसरी जोगाउन सक्छौँ? हामी इस्राएलीहरूले जस्तो गलत काम नगर्न होसियार हुनै पर्छ। यहोवासित करार गरेको केही समय नबित्दै तिनीहरूले सुनको बाछो बनाएर मूर्तिपूजा गर्न पुगे। (प्रस्थ ३२:७, ८; १को १०:७, ११, १४) हामी आफैलाई यस्ता प्रश्नहरू सोध्न सक्छौँ: ‘प्रलोभन आइपर्दा म के गर्छु? के म आफ्नो कामले यहोवासितको सम्बन्धलाई अनमोल ठानेको देखाउँछु?’ स्वर्गमा बस्नुहुने बुबा यहोवाप्रतिको गहिरो प्रेमले हामीलाई उहाँले घृणा गर्नुहुने कुराहरूदेखि भाग्न मदत गर्छ।—भज ९७:१०.
यहोवासितको सम्बन्धलाई जोगाउनुहोस् (कल ३:५) भिडियो हेर्नुहोस् अनि निम्न प्रश्नहरूको जवाफ दिनुहोस्:
लोभ के हो?
हामीले किन लोभ र मूर्तिपूजा तिरस्कार गर्नुपर्छ?
व्यभिचार र मूर्तिपूजा कसरी सम्बन्धित छ?
परमेश्वरको सङ्गठनमा विशेषगरि जिम्मेवारी पाएकाहरूले किन आफ्नो जोडीको आवश्यकतालाई ध्यान दिनुपर्छ?