बप्तिस्मासम्मको यात्रामा तपाईँ कहाँ पुग्नुभएको छ?
ख्रिष्टियन जीवन
यहोवाको सेवा गर्ने छनौट गर्नुहोस्
तपाईँ बप्तिस्मा नगरेको जवान प्रकाशक वा बाइबल विद्यार्थी हुनुहुन्छ भने के तपाईँले बप्तिस्मा गर्ने लक्ष्य राख्नुभएको छ? तपाईँले किन बप्तिस्मा गर्नुपर्छ? तपाईँले आफ्नो जीवन समर्पण गरेर बप्तिस्मा गर्नुभयो भने यहोवासित विशेष सम्बन्ध गाँस्न सक्नुहुनेछ। (भज ९१:१) तपाईँले उद्धार पनि पाउनुहुनेछ। (१प ३:२१) यी कदमहरू चाल्नको लागि तपाईँ कसरी प्रगति गर्न सक्नुहुन्छ?
सत्य यही हो भनेर विश्वस्त हुनुहोस्। आफ्नो मनमा प्रश्नहरू आउँदा अनुसन्धान गर्नुहोस्। (रोमी १२:२) जीवनमा के-कस्ता परिवर्तनहरू गर्नुपर्छ पत्ता लगाउनुहोस् र यहोवालाई खुसी पार्ने मनसायले त्यस्ता परिवर्तनहरू गर्नुहोस्। (हित २७:११; एफि ४:२३, २४) मदतको लागि सधैँ उहाँलाई प्रार्थना गर्नुहोस्। यहोवाले आफ्नो शक्तिशाली पवित्र शक्तिमार्फत तपाईँलाई बल र साथ दिनुहुनेछ भनेर ढुक्क हुनुहोस्। (१प ५:१०, ११) तपाईँको प्रयास खेर जानेछैन। यहोवाको सेवा गर्नु नै जीवन बिताउने उत्तम तरिका हो!—भज १६:११.
बप्तिस्मासम्मको यात्रा भिडियो हेर्नुहोस् अनि निम्न प्रश्नहरूको जवाफ दिनुहोस्:
बप्तिस्मासम्म पुग्न कसै-कसैले कस्ता अवरोधहरू पार गरेका छन्?
यहोवालाई आफ्नो जीवन समर्पण गर्न चाहिने विश्वास तपाईँ कसरी खेती गर्न सक्नुहुन्छ?
बप्तिस्माको लागि आवश्यक कदम चाल्न कसै-कसैलाई केले उत्प्रेरित गरेको छ?
यहोवाको सेवा गर्ने छनौट गरेकाहरूले कस्ता आशिष्हरू पाएका छन्?
समर्पण र बप्तिस्माको अर्थ के हो?