साक्षीकार्यमा सधैँभरि जीवनको आनन्द उठाउनुहोस्‌! प्रयोग गर्नुहोस्‌

बाइबल अध्ययन सञ्चालन गर्न नयाँ पुस्तिका र किताब पाएकोमा हामी धेरै खुसी छौँ! अझ धेरै चेला बनाउने हाम्रो प्रयासमा यहोवाले आशिष्‌ देऊन्‌ भनेर हामी प्रार्थना गर्छौँ। (मत्ति २८:१८-२०; १को ३:६-९) हामी यी नयाँ सामग्रीहरू कसरी प्रयोग गर्न सक्छौँ?

सधैँभरि जीवनको आनन्द उठाउनुहोस्‌! एउटा बाइबल अध्ययन सामग्री हो र यो प्रयोग गर्दै हामी नयाँ तरिकामा सिकाउनेछौँ। बाइबल अध्ययनको लागि तयारी गर्दा र सञ्चालन गर्दा यी निर्देशनहरू पछ्याउनुहोस्‌:a

• विषयवस्तु पढ्‌नुहोस्‌ र प्रश्‍नहरू छलफल गर्नुहोस्‌

• “पढ्‌नुहोस्‌” भनेर उल्लेख गरिएका बाइबल पदहरू पढ्‌नुहोस्‌ र ती पदहरूको उपयोगिता बुझ्न विद्यार्थीलाई मदत गर्नुहोस्‌

• भिडियो देखाउनुहोस्‌ र दिइएका कुनै प्रश्‍न छलफल गर्नुहोस्‌

• एक चोटिमा एउटा पाठ सकाउने कोसिस गर्नुहोस्‌

घरधनीको चासो छ कि छैन भनेर पक्का गर्न पहिला पुस्तिका प्रस्तुत गर्नुहोस्‌। (“पहिलो भेटमा सधैँभरि जीवनको आनन्द उठाउनुहोस्‌! पुस्तिका प्रस्तुत गर्ने तरिका” पेटी हेर्नुहोस्‌।) पुस्तिकाबाट अध्ययन गर्न सकेपछि विद्यार्थी अझै पनि अध्ययन गर्न इच्छुक छन्‌ भने किताब दिनुहोस्‌ र पाठ ०४ बाट अध्ययन सुरु गर्नुहोस्‌। तपाईँ कसैलाई सिकाउँछ किताब वा परमेश्‍वरको प्रेम किताबबाट अध्ययन गराउँदै हुनुहुन्छ भने पनि अबउसो सधैँभरि जीवनको आनन्द उठाउनुहोस्‌! किताबबाट अध्ययन गराउनुहोस्‌ र अध्ययन कहाँबाट सुरु गर्ने भनेर आफै निर्णय गर्नुहोस्‌।

तपाईँको बाइबल अध्ययन सुरु गरौँ भिडियो हेर्नुहोस्‌ अनि निम्न प्रश्‍नहरू छलफल गर्नुहोस्‌:

• यस नयाँ किताबबाट विद्यार्थीहरूले के-कस्ता कुराहरू सिक्न सक्छन्‌?

• नयाँ विद्यार्थीहरूलाई यो भिडियो किन देखाउनुपर्छ?

• अध्ययन गर्दै जाँदा तपाईँले विद्यार्थीलाई कस्ता लक्ष्यहरू राख्न र ती हासिल गर्न प्रोत्साहन दिनुपर्छ?—“हरेक भागको मुख्य कुरा र लक्ष्य” चार्ट हेर्नुहोस्‌।