प्रचारको काम बारे आफ्ना चेलाहरूलाई आदेश दिइसक्नु भए पछि, येशूले तिनीहरूलाई विरोधीहरू देखि सतर्क गराउनु हुन्छ। उहाँले एसो भन्‍नु हुन्छ: “हेर, म तिमीहरूलाई ब्वाँसाका बीचमा भेड़ाझैं गरि पठाउँछु . . . मानिसहरूदेखि होशियार होओ। किनभने तिनीहरूले तिमीहरूलाई अदालतमा सुम्पिदिनेछन्‌ र तिनीहरूका सभाघरहरूमा कोर्रा लाउनेछन्‌। मेरो खातिर हाकिमहरू र राजाहरूका सामुन्‍ने तिमीहरूलाई खड़ा गर्नेछन्‌।”

हो, येशूले यो आदेश, चेताउनी र प्रोत्साहन आफ्ना १२ चेलाहरूलाई दिनु भयो। तर यी सबै कुरा, उहाँको मृत्यु र पुनरूत्थान पश्‍चात्‌, विश्‍वव्यापी प्रचारको काममा भाग लिने व्यक्‍तिहरूका लागि पनि हो। किनभने उहाँका चेलाहरू, त्यति बेलाका इस्राएलीहरूबाट मात्र होइन, तर सबै मानिसहरूबाट घृणित्‌ हुनेछन्‌ भनेर उहाँले भन्‍नु भयो। साथै, येशूले ती १२ जना चेलाहरूलाई त्यो छोटो प्रचार अभियानमा पठाउनु हुँदा, तिनीहरू हाकिमहरू र राजाहरूको सामने खड़ा हुनु परेन। विश्‍वास गर्नेहरूलाई पनि, त्यति खेर, आफ्नै परिवारका सदस्यहरूले मृत्यको लागि सुम्पिदिएनन्‌।