येशूको ईश्वरीय भक्तिलाई उदाहरण मान्दै अनुसरण गर्नुहोस
“यो भक्तिको रहस्य महान छ: ‘उहाँ [येशू] शरीरमा प्रकट हुनु भयो।’”—१ तिमोथी ३:१६
१. (क) ४,००० वर्ष भन्दा बढ़ी समय सम्म, कुन प्रश्नले उत्तर पाएन? (ख) उत्तर कहाँ र कसरी दिइयो?
४००० वर्ष भन्दा धेरै समय देखिन् उत्तर नगरिएको एउटा प्रश्न थियो। प्रथम पुरूष आदम आफ्नो समग्रतामा दृढ़ हुन असफल भए देखिन्, यो प्रश्न खड़ा भयो: मानिस जातिले ईश्वरीय भक्ति कसरी प्रकट गर्ने हो? अन्तमा, प्रथम शताब्दीमा, परमेश्वरको पुत्र पृथ्वीमा आउनु भए पछि, यो प्रश्नको उत्तर दिइयो। प्रत्यक सोचाई, शब्द र काम द्वारा येशू ख्रीष्टले यहोवा सँगको आफ्नो व्यक्तिगत् घनिष्ठ सम्बन्ध प्रदर्शन गर्नु भयो। यसरी, उहाँले ‘ईश्वरीय भक्तिको पवित्र रहस्य’ प्रकाश गरिदिनु भयो र समर्पित् मानिसहरूलाई पनि यस प्रकारको भक्ति कायम राख्ने बाटो देखाइ दिनु भयो।—१ तिमोथी ३:१६.
२. ईश्वरीय भक्तिको पछि लाग्दा, येशूको उदाहरणलाई राम्रो सँग हेर्न किन आवश्यक छ?
२ ईश्वरीय भक्तिको पछि लाग्दा, समर्पित् मसीहीहरूले येशूको उदाहरण राम्रो सँग “हेरनु” उचित् छ। (हिब्रू १२:३) किन? दुइ महत्वपूर्ण कारणहरूले गर्दा। प्रथम, येशूको उदाहरणले हामीलाई ईश्वरीय भक्तिको बृद्धि गर्ने मदद दिन सक्छ। पितालाई येशूले जति राम्रो सँग अरू कसैले पनि चिनेका थिएनन्। (यूहन्ना १:१८) येशूले यहोवाका मार्गहरू र गुणहरूका अनुसरण पर्याप्त ढङ्गमा गर्नु भयेको हुनाकारण, उहाँले एसो भन्न सक्नु भयो: “जसले मलाई देखेको छ, त्यसले पितालाई देखेको छ।” (यूहन्ना १४:९) यसकारण, येशूको जीवन र सेवकाई द्वारा हामीले यहोवाका कृपामय गुणहरूको अझ गहीरो मुल्याङ्कन गर्न सक्नेछौं र यस बाट हाम्रा मायालु सृष्टिकर्ता सँग आफ्नो व्यक्तिगत् सम्बन्ध पनि बलियो हुँदै जानेछ। दोस्रो कारण, येशूको उदाहरणले हामीलाई ईश्वरीय भक्ति प्रदर्शन गर्ने सहायता दिन सक्दछ। ईश्वरीय भक्ति सहितको चाल चलन बारे उहाँले हाम्रा निम्ति एउटा सिद्ध उदाहरण छाड़ेर जानु भएकोछ। यस कारण, हामीले कसरी ‘येशू ख्रीष्टलाई धारण’ गर्न सक्छौं अथवा उहाँलाई आफ्नो आदर्श कसरी बनाउन सक्छौं भन्ने विषयमा हामीले ध्यान दिनु उचित् हुनेछ।—रोमी १३:१४.
३. हाम्रो व्यक्तिगत् बाइबल अध्ययन कार्यक्रममा के पनि समावेश हुनु पर्छ र किन?
३ येशूले भन्नु भएका र गर्नु भएका सबै कुराहरू लिखित् रूपमा साँचेर राखियेनन्। (यूहन्ना २१:२५) यसै कारण, ईश्वरीय प्रेरणा बाट, जे जति कुरा लिखित् रूपमा राखियो, ती कुराहरूमा हामीले विशेष चासो लिनु पर्छ। हाम्रो व्यक्तिगत् बाइबल अध्ययन कार्यक्रम अन्तर्गत, हामीले येशूको जीवनी बारे लेखिएका ती चार उल्लेखहरू पनि नियमित् रूपमा पढ़नु उचित् हो। तर यस प्रकारका पढ़ाइ द्वारा, ईश्वरीय भक्ति प्राप्त गर्ने हाम्रो प्रयासमा मदद चाहन्छौं भने, पढ़ेका कुराहरूमा समय बिताएर मुल्याङ्कन सहित् विचार गर्नु आवश्यक छ। त्यहाँ लेखिएका कुराको गहराईमा डूबेर हेनु पर्छ।
जस्तो पिता, त्यस्तै पुत्र
४. (क) येशू गहिरो भावना युक्त र मायालु मानिस हुनु हुन् थियो भनेर के बाट देखिन्छ? (ख) अरूहरू सँग व्यवहार गर्नु हुँदा, येशू कसरी स्वयं अघि सर्नु हुन् थियो?
४ एउटा उदाहरण विचार गर्नु होस्। येशू, मायालु र गहिरो भावना भएको मानिस हुनु हुन् थियो। मर्कूस १०:१, १०, १३, १७, र मर्कूस १०:३५ पढ़दा, हर उमेरका र हर सामाजिक क्षेत्रका मानिसहरू उहाँ कहाँ गएर बोल्नु अप्ठ्यारो नमानेको कुरा देख्छौं। धेरै चोटी उहाँले केटा केटीहरूलाई अँगाल्नु भयो। (मर्कूस ९:३६; १०:१६) मानिसहरू र साना-साना बच्चाहरू पनि येशू सँग किन झेमिनु सके? किनभने उहाँले तिनीहरूमा निष्कपट र साँचो चासो लिनु हुन् थियो। (मर्कूस १:४०,४१) मदद्को आवश्यकता परेकाहरूलाई सहायता दिन अकसर उहाँनै अघि सरनु हुन् थियो। उदाहरणका लागि, नाइनको विधुवालाई उहाँले टाढ़ै बाट “देख्नु भयो”। यो विधवाको मरेको छोरालाई मानिसहरूले उठाएर लैजाँदै थिये। “नजीक” गए पछि, येशूले त्यो युवकलाई बिउँताउनु भयो, तर यस्को लागि त्यहाँ कसैले पनि उहाँलाई बिन्ति गरेको कुरा उल्लेखित् छैन। (लूका ७:१३-१५) यस बाहेक, कसैले पनि उहाँलाई बिन्ति न गरिकन, एक जना अपङ्ग स्त्री र जलग्रह भएको एउटा मानिसलाई उहाँले निको पारिदिनु भयो।—लूका १३:११-१३; १४:१-४.
५. येशूको सेवकाईका यी व्यखाहरू बाट हामी यहोवाका गुणहरू र मार्गहरू बारे के सिक्न सक्दछौं?
५ यस प्रकारका घटनाहरू बारे पढ़नु हुँदा, केहि बेरका लागि रोकिएर, आफूलाई सोध्नुहोस्: ‘येशूले आफ्नो पिताको अनुसरण सिद्धतापूर्वक गर्नु भएको हुनाकारण, यी घटनाहरूले मलाई यहोवाको गुणहरू बारे के बताँउदछन्?’ यी घटनाहरूले यहोवा मायालु र गहिरो भावना युक्त परमेश्वर हुनुहुन्छ भनेर बोध गर्दछ। मानिस जातिमा उहाँको कहिल्ये कम नहुने चासोले गर्दा, मानिसहरू सँग सम्पर्क राख्न उहाँ नै अघि सरनु भएको छ। “धेरैको उद्धारको निम्ति” आफ्नो पुत्र दिन लगाउन, उहाँलाई कसैले पनि जोर गर्नु परेन। (मत्ती २०:२८; यूहन्ना ३:१६) प्रेम सहित् उहाँको सेवा गर्न चाहनेहरू सँग एउटा प्रेमको बन्धनमा बाँधिन उहाँलाई “मन लाग्छ” र यसको निम्ति उहाँ मौका हेर्नु हुन्छ। (व्यवस्था १०:१५) बाइबलमा एसो भने झैं: “जसका हृदय उहाँ प्रति भक्त छन्, तिनीहरूलाई सहायता र सान्त्वना दिन सारा पृथ्वी भरिनै परमप्रभुको [यहोवा] दृष्टि रहिरहन्छ।”—२ इतिहास १६:९.
६. येशू द्वारा प्रदर्शित् यहोवाको दया र गहीरो भावनाहरू बारे मनन् गर्यौं भने, नतीजा के हुन सक्दछ?
६ उहाँको पुत्र द्वारा प्रदर्शित यहोवाको गहिरो भावना र प्रेममा तपाईंले यस प्रकार मनन गर्नु भयो भने, तपाईंको हृदयमा असर पर्नेछ र उहाँको करूणामय गुणहरूका लागि तपाईंको हृदय मुल्याङ्कन र प्रशंसाले भरिनेछ। तपाईं उहाँ प्रति अझ आकर्षित् हुनु हुनेछ। हर समय र हर परिस्थितिमा तपाईं उहाँ सँग प्रार्थना द्वारा कुरा गर्न इच्छुक हुनुहुनेछ। (भजन संग्रह ६५:२) यसले फेरि तपाईं र उहाँको बीचको व्यक्तिगत् सम्बन्धलाई अझ मजबूत पारि दिनेछ।
७. यहोवाको दया र गहीरो भावनाहरू बारे मनन् गरे पछि, आफूलाई के सोधनु उचित हो र किन?
७ तर याद गर्नुहोस्, ईश्वरीय भक्तिमा पूजनीय भावना मात्र हुँदैन। बाइबलको एक जना शास्त्री, आर. लेनस्कीले ले भन्नु भए झैं, “यसमा हाम्रा सम्पूर्ण श्रद्धा, पूजनीय भावना र यस बाट उठने कार्यहरू समावेश छन्।” (तिर्यगक्षर हामीले थपेका हौं।) यसकारण, येशूले प्रदर्शित् गर्नु भएका यहोवाका गहिरो भावना र दया माथि मनन् गर्नु भए पछि, आफूलाई यो सोधनी गर्नु होस्: ‘म यस सन्दर्भमा, अझ यहोवा जस्तो कसरी हुनु सक्दछु? के अरूहरू मँ कहाँ आएर कुरा गर्न सजिलो मान्छन्?’ तपाईंका बाल-बच्चाहरू छन् भने, तिनीहरू सधैं तपाईंको नजीक आएर, सुगमता साथ कुरा गर्न सक्ने प्रकारका मानिस तपाईं हुनु पर्छ। र मण्डलीका एक जना प्राचीन हुनुहुन्छ भने, तपाईं पनि अरू हरू आएर सजिलो सँग कुरा गर्न सक्ने प्रकारको मानिस हुनु आवश्यक छ। यस प्रकारको मानिस हुन तपाईंलाई के ले मदद दिनेछ? त्यही, गहिरो भावना र दयाले। तपाईंले अरूहरू प्रति एउटा निष्कपट र यर्थाथ चासो लिने गर्नु पर्छ। तपाईंले अरूहरू प्रति वास्तविक चासो लिनु भएको र तिनीहरूको सेवा गर्न अघि बढ़नु भएको तिनीहरूले देख्नेछन्, महसूस गर्नेछन् र तिनीहरू पनि तपाईं प्रति आकर्षित् हुनेछन्।
८. (क) येशूको विषयमा बाइबलका उल्लेखहरू पढ़नु हुँदा, मनमा कुन कुरा याद राख्नु आवश्यक छ? (ख) द्रष्टब्यमा दिएका उल्लेखहरू बाट, हामी यहोवा बारे के सिक्न सक्दछौं?
८ यसर्थ, बाइबलमा येशू सँग सम्बन्धित् घटनाहरू पढ़नु हँदा, ती बाट तपाईंले यहोवाको व्यक्तित्व बारे धेरै ज्ञान प्राप्त गर्न सक्नु हुनेछ भन्ने कुरा मनमा याद राख्नुहोस्।a र येशूको जीवनमा प्रदर्शित परमेश्वरका गुणहरूका निम्ति, मनमा मुल्याङ्कन र प्रशंसा राखेर जब तपाईं परमेश्वरको अझ राम्रो सँग अनुसरण गर्ने कोशिश गर्नु हुनेछ, तपाईंले आफ्नो ईश्वरीय भक्तिको प्रमाण दिनुभएको हुनेछ।
परिवारका सदस्यहरू सँग व्यवहार गर्दा ईश्वरीय भक्ति प्रयोग
९, १०. (क) मर्नु भन्दा केहि क्षण अघि मात्र, येशूले आफ्नी आमा, मरियमका लागि आफ्नो प्रेम र चासो कसरी व्यक्त गर्नु भयो? (ख) येशूले आफ्नी आमाको देख-रेख गर्ने जिम्मेवारी, आफ्नै शारीरिक भाइहरूलाई नसुम्पनु भएर, प्रेरित् यूहन्नालाई किन सुम्पनु भयो?
९ ईश्वरीय भक्ति कसरी दर्साउनु पर्ने हो भन्ने कुरा येशू ख्रीष्टको जीवन र सेवकाइ द्वारा निकै बुझ्नु सकिन्छ। हृदय छुने एउटा घटना यूहन्ना १९:२५-२७मा यस प्रकार उल्लेखित् गरिएको छ: “येशूको [खामो, दी न्यु वर्ल्ड ट्रान्सलेशण अनुसार] नजीक उहाँकी आमा, उहाँकी आमाकी बहिनी, क्लिओफासकी पत्नी, मरियम र मरियम मग्दलिनी उभिरहेका थिए। जब येशूले आफ्नी आमालाई र उहाँले प्रेम गर्नुभएको चेलालाई नजीकमा उभिरहेको देख्नु भयो, तब उहाँले आफ्नी आमालाई भन्नुभयो, ‘हे नारी, हेर तिम्रो छोरो!’ तब त्यस चेलालाई पनि उहाँले भन्नुभयो, ‘हेर, तिम्री आमा!’ औ त्यस बेला देखिन् त्यस चेलाले उनलाई तिनको आफ्नै घरमा लगे।”
१० कल्पना गर्नुहोस्! आफ्नो पार्थीव जीवन त्यागनु भन्दा केहि क्षण अघि, येशूले प्रेम र चासो व्यक्त गर्नु हुँदै, आफ्नी आमा (त्यस बेला सम्म विधवा भइ सकेकी होलिन्) मरियमलाई देख-रेख गर्ने जिम्मेवारी, उहाँले प्रिय प्रेरित् यूहन्नालाई सुम्पनु भयो। तर येशूका आफ्नै शारीरिक भाइहरूलाई नसुम्पेर, यूहन्नालाई किन सुम्पनु भयो? किनभने येशू आफ्नी आमाको भौतिक आवश्यकता बारे मात्र होइन तर विशेष गरि उनको अध्यात्मिक कुशलता बारे चिन्तित् हुनु हुन्थियो। र त्यस बेला सम्म प्रेरित् यूहन्नाले (यूहन्ना येशूको एउटा सम्भ्राता हुनुहोला) आफ्नो विश्वासको प्रमाण देखाइ सक्नु भएको थियो, तर त्यस बखत् सम्म, येशूका शारीरिक भाइहरू पनि विश्वास गर्ने मध्यका भइ सकेका थिए भनेर केहि सङ्केत् छैन।—मत्ती १२:४६-५०; यूहन्ना ७:५.
११. (क) पावलको लेख अनुसार, एक जना मसीहीले आफ्नै घर भित्र ईश्वरीय भक्ति कसरी दर्साउन सक्दछ? (ख)साँचो मसीहीले उमेर ढल्केका आफ्नो माता-पिताको पालन-पोषणको लागि किन प्रबन्ध मिलाउदछ?
११ तर ईश्वरीय भक्तिको यो एउटा प्रदर्शन कसरी भयो भनेर तपाईं सोध्नु होला। प्रेरित् पावलले यसको उत्तर यहाँ दिनु भएकोछ: “विधवाहरूलाई, जो साँच्चिनै विधवा छन्, आदर गर। तर कुनै विधवाका छोरा-छोरी अथवा नाति-नातिनीहरू छन् भने, पहिले तिनीहरूले आफ्नै परिवारमा दया [ईश्वरीय भक्ति, न्यु वर्ल्ड ट्रान्सलेशनमा] देखाऊन् र आफ्ना माता-पितालाई प्रत्युपकारको साटो तिर्न सिकून्, किनकि यो परमेश्वरको दृष्टिमा ग्रहणयोग्य हुन्छ।” (१ तिमोथी ५:३, ४) आवश्यकता परेको बेलामा आफ्ना माता-पितालाई भौतिक मदद दिएर श्रद्धा गर्नु, प्रेरित् पावलले भन्नु भए झैं, ईश्वरीय भक्तिको एउटा प्रमाण हो। कसरी? परिवारको सृजनहार, यहोवाले दिनु भएको आदेश अनुसार, छोरा-छोरीहरूले तिनीहरूका आमा बाबुको आदर गर्नु पर्छ। (एफिसी ३:१४, १५; ६:१-३) यस प्रकारको पारिवारिक जिम्मेवारीहरू उठाउँदा, हामीले आफ्ना आमा-बाबुहरूका निम्ति प्रेम दर्शाउनका साथै, परमेश्वरका लागि श्रद्धा र उहाँका आदेशहरू प्रति आज्ञाकारिता पनि प्रकट गरेकाहौं भनेर जुन सुकै सत्य मसीहीले पनि स्वीकारनेछ।—कलस्सी ३:२० सँग तुलना गर्नुहोस्।
१२. उमेरमा पाको भएका माता-पिता प्रति तपाईंले ईश्वरीय भक्ति कसरी दर्साउन सक्नु हुन्छ र यसो गर्नको पछि, के कारण हुनु पर्छ?
१२ परिवारका सदस्यहरू सँग व्यवहार गर्दा, तपाईं ईश्वरीय भक्ति कसरी दर्साउन सक्नु हुन्छ? एउटा त, येशूले गर्नु भए झैं, उमेरमा पाको भएका आफ्ना माता-पिताका अध्यात्मिक् र भौतिक आवश्यकताहरू पुरा गर्नका निम्ति प्रबन्ध मिलाएर हो। यसो न गर्दा, आफूमा ईश्वरीय भक्तिको अभाव देखिनेछ। (२ तिमोथी ३:२, ३, ५ सँग तुलना गर्नुहोस्) समर्पित् मसीहीले, खाँचोमा परेका आफ्ना माता-पितालाई दया अथवा कर्त्तव्यको भावनाले गर्दा मात्र मदद दिने गर्दैन। यसको सट्टा, उसको हृदयमा परिवारको निम्ति प्रेम हुनाकारण र यहोवाको नजरमा यस प्रकारको जिम्मेवारी निभाउन महत्वपूर्ण हो भनि स्वीकारेको हुनाले, उसले यो सबै गर्दछ। तसर्थ, उसले आफ्ना उमेर ढल्केका माता-पिताको देख-रेख गर्नु, ईश्वरीय भक्तिको एउटा प्रदर्शन हो।b
१३. एक जना मसीही पिताले आफ्नो परिवार सँग व्यवहार गर्दा, ईश्वरीय भक्ति कसरी प्रयोगमा ल्याउनु सक्नु हुन्छ?
१३ परिवार भित्र, ईश्वरीय भक्तिको प्रयोग गर्ने अरू उपायहरू पनि छन्। उदाहरणका लागि, एउटा मसीही बाबुले आफ्ना परिवारका भौतिक, मानसिक र अध्यात्मिक आवश्यकताहरू पूरा गर्ने जिम्मेवारी उठाउनु पर्छ। यसकारण, परिवारका भौतिक आवश्यकताहरू पूरा गर्नु बाहेक, उहाँले परिवार सँग, प्रेमपूर्वक, एउटा नियमित् बाइबल अध्ययन गर्ने प्रबन्ध पनि मिलाउनुहुनेछ। परिवार सँग नियमित् रूपमा क्षेत्र सेवकाईमा भाग लिने समयको पनि तालिका बनाउनु पर्नेछ। तर उहाँ एक जना सम्तुलित मानिस हुनुभएको हुनाले, परिवारलाई आराम र मनोरञ्जन पनि चाहिन्छ भन्ने कुरा उहाँ समझनु हुनेछ। यसकारण, उहाँले बुद्धिमता पूर्वक, आ-आफ्नो प्राथमिकता अनुसार, सबै कुराको निम्ति समय खटाउनु हुनेछ। मण्डलीका काम कुरोले गर्दा, आफ्नो परिवारको उहाँले हेलचक्राई गर्नु हुँदैन। (१ तिमोथी ३:५, १२) तर उहाँले यी सबै किन गर्नु हुन्छ? कर्त्तव्य ठानेर मात्र होइन तर आफ्नो परिवारको लागि हृदयमा प्रेम हुनाकारण उहाँले यी सबै गर्नु हुन्छ। यहोवाको नजरमा आफ्नो परिवारको देख-रेख गर्न कतिको महत्वपूर्ण छ भन्ने कुरालाई उहाँ मान्यता दिनु हुन्छ। र यसरी एउटा पिता र पतिको जिम्मेवारी निभाउदै, उहाँले ईश्वरीय भक्ति प्रयोगमा ल्याउनु भएको हुनेछ।
१४. मसीही पत्नीले घर भित्र ईश्वरीय भक्ति कसरी प्रयोगमा ल्याउन सक्छे?
१४ पत्नीहरूको पनि, घरमा ईश्वरीय भक्ति प्रदर्शन गर्ने जिम्मेवारी छ। कसरी? बाइबलले पत्नीहरूलाई आ-आफ्ना पतिहरूको “अधीनमा” बस्नु र पतिको “डर [प्रगाढ़ आदर, न्यु वल्ड ट्रान्सलेशन अनुसार] मान्नु” भन्दछ। (एफिसि ५:२२, ३३) आफ्नो पति विश्वास न गर्ने मानिस भएता पनि, पतिको “अधीन” मै बस्नु भनिएको छ। (१ पत्रुस ३:१) परमेश्वरको नियमहरूको विपरित् छैन भने, पतिले गरेका जम्मै फैसलाहरूलाई समर्थन गर्दै, मसीही पत्नीले आफ्नो अधीनता व्यक्त गर्छे। (प्रेरित् ५:२९) तर मसीही पत्नीले यसो किन गर्छे? पतिको निम्ति प्रेम भएर मात्र होइन तर विशेष गरि, परमेश्वरको यो पारिवारिक प्रबन्ध हो र यसो गर्नु “प्रभुमा” उचित् छ भन्ने तथ्यलाई मान्यता दिएको हुनाकारण हो। (कलस्सी ३:१८) यसकारण, खुशीसित आफ्नो पतिको अधीनमा बस्नु, ईश्वरीय भक्तिको एउटा प्रमाण हो।
“यसैको निम्ति म निस्किआएको हुँ”
१५. येशूले कुनु-कुन विशिष्ट ढङ्गमा ईश्वरीय भक्ति प्रकट गर्नु भयो?
१५ येशूले ‘राज्यको सुसमाचारको प्रचार’ गर्नु भएर, एउटा विशिष्ट रूपमा ईश्वरीय भक्तिको प्रमाण दिनु भयो। (लूका ४:४३) ई. स. २९ सालमा, यरदन नदीमा बप्तिस्मा लिनु भए पछि, येशू, साढ़े तीन वर्ष सम्म, यो अति महत्वपूर्ण काममा व्यस्त हुनु भयो। उहाँले “यसैको निम्ति म निस्किआएको हुँ” भन्नु भयो। (मर्कूस १:३८; यूहन्ना १८:३७) तर यसलाई हामी उहाँको ईश्वरीय भक्ति प्रदर्शन कसरी भन्न सक्छौं?
१६, १७. (क) प्रचार गर्ने र शिक्षा दिने काममा येशू किन तीव्रतापूर्वक लागि रहनु हुन् थियो? (ख) येशूले गर्नु भएको प्रचार र शिक्षा दिने काम उहाँको ईश्वरीय भक्तिको एउटा प्रमाण किन थियो?
१६ याद गर्नुहोस्, ईश्वरीय भक्तिको अर्थ, परमेश्वरको निम्ति प्रेम र उहाँका मायालु गुणहरूका निम्ति हार्दिक मुल्याङ्कन भएको हुनाकारण, उहाँलाई प्रसन्न पार्ने जीवन व्यतित् गर्नु पनि हो। पृथ्वीमा येशूले आफ्ना आखिरी सालहरू यो प्रचार गर्ने र शिक्षा दिने काममा किन बिताउनु भयो? एउटा कर्त्तव्य अथवा कृतज्ञताको भावनाले गर्दा होला? होइन। मानिसहरूका लागि उहाँको हृदयमा निष्कपट चासो थियो। (मत्ती ९:३५, ३६) साथै, पवित्र आत्मा द्वारा उहाँ अभिषिक्त हुनाकारण, उहाँ यो काम पूरा गर्नका निम्ति पनि नियुक्त हुनुभएको छ भनेर उहाँलाई पुरा विश्वास थियो। (लूका ४:१६-२१) तर यी भन्दा अझ गहिरो कारणहरू पनि छन्।
१७ “म पितालाई प्रेम गर्दछु” भनेर येशूले आफ्ना चेलाहरूलाई, उहाँका पार्थीव जीवनको आखिरी रातमा स्पष्ट सँग बताउनु भयेको थियो। (यूहन्ना १४:३१) यो प्रेम, यहोवाका गुणहरूको गहिरो र घनिष्ट ज्ञानहरूमा आधारित् छ। (लूका १०:२२) हृदय भरि मुल्याङ्कन र प्रशंसा भएको हुनाकारण, येशू परमेश्वरको इच्छा गर्न सधैं प्रसन्न हुनु हुन् थियो। (भजन संग्रह ४०:८) त्यो उहाँको “भोजन” थियो—बाँच्नका निम्ति आवश्यक र यति स्वादिष्ट पनि। (यूहन्ना ४:३४) स्वयंलाई प्रथम स्थान दिनुको सट्टा, “पहिले परमेश्वरको राज्य” खोजी गर्ने सिद्ध उदाहरण उहाँले दिनु भयो। (मत्ती ६:३३) उहाँले के गर्नु भयो अथवा उहाँले कति गर्नु भयो भनेर होइन तर उहाँले जे गर्नु भयो, त्यो किन गर्नु भयो भन्ने कुराले गर्दा उहाँले गर्नु भएका प्रचार र शिक्षा दिने काम, उहाँको ईश्वरीय भक्तिको एउटा प्रमाण भयो।
१८. क्षेत्र सेवकाईमा केहि मात्रामा भाग लिनु, ईश्वरीय भक्तिको प्रदर्शन हो भन्नु किन मिल्दैन?
१८ यस सन्दर्भमा, हामी हाम्रा आदर्श, “येशूको” उदाहरणको अनुसरण कसरी गर्न सक्नेछौं? (१ पत्रुस २:२१) “आउ, मेरो पछि लाग” भनेर येशूले दिनु भएको निम्तो जस-जसले स्वीकारछन्, तिनीहरू प्रत्यकले राज्यको सुसमाचार प्रचार गर्ने र चेला बनाउने ईश्वरीय जिम्मेवारी पूरा गर्नु पर्छ। (लूका १८:२२; मत्ती २४:१४; २८:१९, २०) तर के, केहि मात्रामा प्रचारको काममा भाग लिनुको अर्थ, ईश्वरीय भक्तिको पछि लाग्नु हो? होइन। क्षेत्र सेवकाईमा हामीले यदि कर्त्तव्य अथवा बाध्यताको भावना राखेर अर्थात् परिवारका केहि सदस्यहरू वा अरूहरूलाई प्रसन्न पार्नका लागि भाग लियौं भने, त्यसलाई ‘ईश्वरीय भक्तिको’ कार्य भन्नु मिल्दैन।—२ पत्रुस ३:११.
१९. (क)सेवकाईमा भाग लिने हाम्रो मुख्य कारण के हुनु पर्छ? (ख) परमेश्वरका लागि हृदय भित्र बाट आएको प्रेमले हामीलाई सेवामा अघि सारेको छ भने, परिणाम के हुनु सक्छ?
१९ येशूका झैं, हाम्रा विचारहरू पनि गहिरो हुनु पर्दछ। येशूले एसो भन्नु भएको थियो: “तैंले परमप्रभु [दी न्यु वर्ल्ड ट्रान्सलेशनमा: यहोवा] आफ्ना परमेश्वरलाई आफ्नो सारा मनले [भित्री भावनाहरू र इच्छाहरू], आफ्नो सारा प्राणले [तपाईंको सारा जीवन र व्यक्तित्व], आफ्नो सारा बुद्धिले [तपाईंको सम्पूर्ण विचार शक्ति] र आफ्नो सारा शक्तिले प्रेम गर।” यो सुनेर, एक जना सोची शास्त्रीले यस प्रकार टिप्पणी गर्नुभयो: “[यो सिद्धान्त]. . .सबै होमबलि र बलिदानहरू भन्दा श्रेष्ठ हो।” (मर्कूस १२:३०, ३३, ३४) यसकारण, हामी के गर्छौं, त्यो महत्वपूर्ण होइन। तर हामी जे गर्छौं, त्यो किन गर्छौं, त्यो महत्वपूर्ण हो। सर्वप्रथम, परमेश्वरका लागि, हृदय भरि गहिरो प्रेम हुनाकारण, क्षेत्र सेवकाईमा भाग लिएको हुनुपदर्छ। यस्तो भयो भने, हामी नाम मात्रको लागि सेवा गर्ने छैनौं, तर आफ्नो ईश्वरीय भक्तिको सम्पूर्ण गहराई प्रकट गर्न, हामी सक्दोभर सेवा गर्नेछौं। (२ तिमोथी २:१५) साथै, हाम्रो भित्री कारण परमेश्वरको प्रेम हो भने, हामी अरूहरूको आलोचना गर्दै, आफ्नो सेवकाईलाई अरूहरूको सेवकाई सँग प्रतियोगितात्मक भावले दाँजने छैनौं।—गलाती ६:४.
२०. ईश्वरीय भक्तिको पछि लाग्दा, हामीले येशूको उदाहरणको अनुसरण गर्यौं भने, हामीले के लाभ उठाउन सक्नेछौं?
२० ईश्वरीय भक्तिको रहस्य हाम्रा निम्ति यहोवाले खोलिदिनु भयेकोमा, हामी कति कृतज्ञ हुन सक्छौं! येशूले भन्नु भएको कुराहरू र गर्नु भएका कामहरू राम्रो सँग अध्ययन गरेर, ती कुराहरूको अनुसरण गर्ने कोशिश गर्यौं भने, हामीले अझ पूर्णरूपमा ईश्वरीय भक्तिको बृद्धि र प्रदर्शन गर्ने सहायता पाउनेछौं। समर्पित् र बप्तिस्मा लिएका मसीहीहरू भएर, हामी जसै येशूको अनुसरण गर्दै ईश्वरीय भक्तिको पिछा गर्नेछौं, यहोवाले हामीलाई प्रशस्त मात्रामा आशिष दिनुहुनेछ।—१ तिमोथी ४:७, ८. (w90 3/1)
[फुटनोटहरू]
a जो बाहिरको उदाहरण देखि हामी के शिक्षा यहोवा निम्नलिखित बृतान्त जो योः मत्ती ८:२, ३; मर्कूस १४:३-९; लूका २१:१-४; यूहन्ना ११:३३-३६.
b उमेरका ढल्केको माता-पिता माथि इश्वरीय भक्ती गर्नमा के समिल्लित छन यसको बारे पुरा वर्णन प्रहरीदुर्ग जून १ १९८७, पन्ना १३-१८ पाईन्छ।
के तपाई याद गर्नु सक्नु हुन्छ?
◻ ईश्वरीय भक्तिको पछि लाग्दा, येशूको उदाहरणलाई राम्रो सँग हेर्न किन आवश्यक छ?
◻ हामी के सिक्छै यहोवा परमेश्वर बाह गहीरो भावनाहरू कुन यहोवाले येश द्वार देखाउनु भयो?
◻ हामी कसरी इश्वरीय भक्ती आफनो परिवारका सदस्यहरू सँग देखाउनु सक्छौ?
◻ इश्वरीय भक्ती अभिव्यक्ती गर्ने क्षेत्रसेवाकाईमा हाम्रो के उद्देश्य हुनु पर्छ?
[चित्र]
मसीही पिताले आफ्नो परिवारको शारीरिक, मानसिक र अध्यात्मिक आवश्यकताहरू पूरा गर्ने जिम्मेवारी निभाउनु पदर्छ
“तर कुनै विधवाको छोरा-छोरी अथवा नाति-नातिनीहरू छन् भने,. . .तिनीहरूले आफ्ना माता-पितालाई प्रत्यपकारको साटो तिर्न सिकून्”