ईश्वर-प्रदत्त शक्तिमाथि भरोसा गर्ने गर
दोस्रो तिमोथीको विवरणिका
यहोवाले आफ्ना सेवकहरूलाई सतावट र परीक्षाहरूको सामना गर्ने बल दिनु हुन्छ। र तिमोथी र अन्य मसीहीहरूलाई ईश्वरीय बलको ठूलो आवश्यकता थियो! ई. स. ६४ मा, रोममा ठूलो आगो लागेको थियो र यसबाट धेरै नै बिगार भएकोथियो। हल्ला अनुसार यो अग्निकाण्डका लागि सम्राट निरो नै जिम्मेवार थिए। तर आफूलाई बचाउनकालागि, तिनले मसीहीहरूलाई दोष लगाए जसद्वारा सतावटको एउटा विशाल लहर शुरू भयो। लगभग यसै बेला (ई. स. ६५) प्रेरित पावललाई फेरि रोमको बन्दीगृहमा थुनि दिए। मृत्युको मुकाबिला गर्दा गर्दै पनि तिनले तिमोथीलाई आफ्नो दोस्रो पत्र लेखे।
पावलको यो पत्रले तिमोथीलाई धर्म-त्यागीहरूको विरोध गर्न र सतावटको सामने दृढ़ बस्न तयार पाऱ्यो। यो पत्रले तिनलाई आध्यात्मिक प्रगति गरिरहने प्रोत्साहन दियो र झ्यालखाना भित्र पावलका परिस्थितिहरूको पनि वर्णन गर्यो। यो पत्र पढ़नेहरूले यस बाट परमेश्वरले दिनु हुने बलमाथि भरोसा राख्ने सहायता पाउँछन्।
कष्ट भोग्नु र आत्म-संयमसाथ शिक्षा दिनु
परमेश्वरले सुसमाचारका प्रचारकहरूलाई सतावट आइ पर्दा धैर्य गर्ने बल दिनु हुन्छ। (१:१-१८) पावलले तिमोथीकालागि प्रार्थना गर्न कहिले पनि बिर्सेनन् र तिमोथीको निष्कपट विश्वास पावललाई सधैं नै याद रहन्थ्यो। परमेश्वरले तिमोथीलाई ‘डरको आत्मा होइन, तर शक्ति, प्रेम र आत्म-संयमको आत्मा दिनुभएको’ थियो। यसैकारण, तिमोथीले लाज नमानी साक्षी दिंदै सुसमाचारको निम्ति कष्ट भोग्नु परेको थियो। तिमोथीले “पक्का कुराहरूको नमूना पक्री राख्नु” परेको थियो जसरी आज अरूहरू तर्केर गए तापनि, हामी साँचो मसीही चाहिं सच्चाइमा दृढ़ भएर बस्नु पर्छ।
पावलले सिकाएका कुराहरू अरू विश्वासी मानिसहरूलाई सुम्पिदिन परेको थियो जसले फेरि अरूहरूलाई शिक्षा दिने थिए। (२:१-२६) कष्ट भोग्दा पनि ख्रीष्टको एउटा विश्वासी र असल सिपाही हुने प्रोत्साहन तिमोथीले पाए। पावलले स्वयं पनि सुसमाचार प्रचार गरेको खातिर कैदसम्म को कष्ट भोगे। तिनले तिमोथीलाई परमेश्वरको सामने शर्माउन नपर्ने खेताला भइ आफूलाई प्रस्तुत गर्ने प्रयत्न गर्न र अशुद्ध बकबक त्यागन भनी प्रोत्साहन दिए। साथै, प्रभुको सेवकले अरूहरूलाई आत्मसंयम साथ शिक्षा दिनु पर्दछ पनि भने।
वचनको प्रचार गर!
अन्तिम दिनहरूको सामना गर्न र धर्म-शास्त्रको सच्चाइमा अडिग भएर बस्न ईश्वरीय मददको आवश्यकता पर्नेछ। (३:१-१७) यी भक्तिहीन मानिसहरूको बीचबाट नै “सधैं सिक्ने तर सत्यको ज्ञानमा कहिल्यै आउन नसक्ने” व्यक्तिहरू खड़ा हुनेछन्। यस प्रकारका ‘खराब मानिसहरू र ठगाहाहरू ठगेर र ठगिएर झन झन खराब हुँदै जानेछन्।” तथापि, तिमोथी चाँहि ‘सिकेका कुराहरूमा’ लागिरहनु परेको थियो। र हामी पनि यसै गर्नु पर्छ किनभने ‘परमेश्वरबाट प्रेरणा भएको’ सम्पूर्ण ‘धर्मशास्त्र, सिकाउनलाई, अर्ती दिनालाई, सच्याउनालाई, उचित जीवन यापन गर्नालाई उपयोगी हुन्छ।’
तिमोथीले धर्म-त्यागीहरूको विरोध र आफ्नो सेवकाई पूरा गर्न परेको थियो। (४:१-२२) तिनले यो काम ‘वचनको प्रचार’ गरेर र त्यसमा अडिग भएर सम्पन्न गर्न सक्ने थिए। यो जरूरी थियो किनभने मण्डलीले ‘कुसमयको’ सामना गरिरहेको थियो। त्यहाँ कुनै कुनै मानिसहरूले झूटो शिक्षा सिकाइरहेका थिए। आज यहोवाका साक्षीहरू पनि परमेश्वरको वचनमा अटल भएर बस्दछन् र मण्डली भित्र र बाहिर, दुवै ठाउँका मानिसहरूलाई, बेसमयमा समेत, वचन प्रचार गर्दछन्। पावललाई कसै कसैले त्यागे तापनि तिनले ‘विश्वासलाई बचाइराखेका’ थिए। तिनी ‘द्वारा प्रचार होस् भनेर . . . प्रभुले . . . तिनलाई खूब बलियो तुल्याउनुभयो।’ हामी पनि परमेश्वरले दिनुहुने बलमाथि भरोसा गरौं र सुसमाचारको प्रचार गरिनै रहौं। (w91 1/15)
[पृष्ठ २८-मा भएको पेटी/चित्र]
असल सिपाही: पावलले तिमोथीलाई यो आग्रह गरे: “ख्रीष्ट येशूका असल सिपाहीझैं मसँग कष्ट भोग। आफूलाई सिपाहीमा भर्ना गर्नेलाई खुशी तुल्याउन, कुनै सिपाहीले सेवामा यस जीवनको टण्टासँग आफूलाई अल्मल्याउँदैन।” (२ तिमोथी २:३, ४) पैदल हिंड़ने रोमी सिपाहीले कुठार, टोकरी, तीन दिनका लागि खाने कुरा र यस प्रकारको अन्य सामानहरू बोक्दा ‘कष्ट’ भोग्द थियो। (जोसेफसको वर्स अफ द जूस, बुक ३, च्याप्टर ५) सिपाहीको खर्चको प्रबन्ध मिली सकेको हुनाले तिनी अन्य व्यापारको पछि लागेमा उसको हाकिम खुशी हुने थिएन। यस्तै गरी, एक जना मसीहीले पनि “ख्रीष्टको एक जना असल सिपाहीझैं” कष्ट भोग्दछ। धर्म-शास्त्रमा उल्लेखित् आफ्ना जिम्मेवारीहरू निभाउन तिनले कुनै जागिर खानु परेता पनि, तिनी भौतिक कुराहरूसँग आवश्यकता भन्दा बढ़ी ग्रस्त भएर आफ्नो आत्मिक युद्ध लड़न तिनले बन्द गर्नु हुँदैन। (१ थिस्सलोनिकी २:९) साक्षी दिन, घर-घर जाँदा, तिनले “आत्माको तरवार अर्थात परमेश्वरको वचनको” प्रयोग गर्दछन् र मानिसहरूलाई धार्मिक भ्रमबाट मुक्त हुने मदद दिन्छन्। (एफिसी ६:११-१७; यूहन्ना ८:३१, ३२) जीवन खतरामा परेको हुनाकारण, सबै मसीही सिपाहीहरूले येशू ख्रीष्ट र यहोवा परमेश्वरलाई यसरी प्रसन्न तुल्याउँने गरून्।