हृदय सुरक्षित राख्नुहोस्‌

१. बचाऊ हृदय र पाऊ जीवन;

त्याग पापको बाटो।

याह पढ्‌छन्‌ हृदय,

अनि चिन्छन्‌ भित्री मन त्यो।

दुख्छ हृदय कैलेकाहीं;

सक्छ तर्किन यो।

सुबाटोमा लग यसलाई;

समाऊ हात याहको।

२. खोज या’लाई तत्पर मनले;

व्यग्र बिन्ती गरी।

गाऊ सदा गीत महिमाको;

बिसाऊ मनको भारी।

या’ले सिका’को हर कुरा;

गर्नुछ पालना।

बनाऊ है हृदय वफादार;

हुन्छन्‌ खुसी पिता।

३. नलेऊ कुविचार हृदयमा;

रमाऊ सत्यमा नै।

मनमा गुन या’को वचन;

बलियो हुनलाई।

प्यारा छन्‌ या’लाई भक्‍त जन;

ढुक्क छौं यसैमा।

सारा मनले गर सेवा;

मित्र बनी या’का।