सुरक्षित राख्नुहोस्
रगतका सूक्ष्म तत्त्व अनि आफ्नै रगत प्रयोग हुने उपचारहरूलाई कुन दृष्टिले हेर्नुपर्छ?
बाइबलले मसीहीहरूलाई ‘रगतबाट अलग रहनू’ भन्ने आज्ञा दिएको छ। (प्रेरि. १५:२०) त्यसैले यहोवाका साक्षीहरू रगत अनि त्यसका चार मूल तत्त्वहरू—रातो रक्तकोष, सेतो रक्तकोष, प्लेट्लेट अनि प्लाज्मा स्वीकार्दैनन्। तिनीहरू रक्तदान गर्दैनन् अनि रक्तक्षेपण गर्नका लागि आफ्नै रगत संकलन पनि गर्दैनन्।—लेवी १७:१३, १४; प्रेरि. १५:२८, २९.
रगतका सूक्ष्म तत्त्वहरू के-के हुन् र ती तत्त्वहरू लिने वा नलिने किन प्रत्येक मसीही आफैले निर्णय गर्नुपर्छ?
वैज्ञानिक प्रक्रियाद्वारा हाम्रो रगतबाट त्यसका विभिन्न सूक्ष्म तत्त्वहरू अलग पार्न सकिन्छ। उदाहरणका लागि, रगतका मूल चार तत्त्वहरूमध्येको प्लाज्मालाई निम्न चार सूक्ष्म तत्त्वहरूमा अलग पार्न सकिन्छ: पानी, लगभग ९१ प्रतिशत; आल्बुमिन, ग्लोबुलिन अनि फिब्रिनोजेनजस्ता प्रोटिन, लगभग ७ प्रतिशत; पोषक तत्त्व, हर्मोन, ग्याँस, भिटामिन, फोहोर तत्त्व र इलेक्ट्रोलाइट जस्ता तत्त्वहरू लगभग १.५ प्रतिशत।
रगतबाट अलग रहनू भन्ने आज्ञा के यी सूक्ष्म तत्त्वहरूलाई पनि लागू हुन्छ? रगतका सूक्ष्म तत्त्वहरू लिनु हुन्छ वा हुँदैन, बाइबलले त्यसबारे कुनै सुस्पष्ट निर्देशन दिएको छैन।a हुन त, प्रायजसो यस्ता सूक्ष्म तत्त्वहरू अरू कसैले दान दिएको रगतबाट निकालिएको हुन्छ। रगतका सूक्ष्म तत्त्व स्वीकार्ने वा नकार्ने प्रत्येक मसीही आफैले आफ्नो अन्तस्करणअनुसार निर्णय गर्नुपर्छ।
सूक्ष्म तत्त्वबारे निर्णय गर्दा कृपया निम्न प्रश्नहरू विचार गर्नुहोस्: रगतका कुनै पनि सूक्ष्म तत्त्व लिन अस्वीकार गर्नुको अर्थ रोगका किटाणुहरूसित लड्न मदत पुऱ्याउने केही खास प्रकारका औषधीहरू अनि रक्तस्राव रोक्न सहयोग गर्ने तत्त्वहरू लिन पनि इन्कार गर्नु हो भनेर के मैले राम्ररी बुझेको छु? रगतको कुनै खास सूक्ष्म तत्त्व किन लिन चाहन्नँ वा चाहन्छु के म चिकित्सकलाई चित्तबुझ्दो जवाफ दिन सक्छु?
आफ्नै रगत प्रयोग हुने केही खास उपचार विधि किन व्यक्तिविशेषले निर्णय गर्नुपर्ने क्षेत्र हो?
पछि रक्तक्षेपण गर्नका लागि मसीहीहरू आफ्नो रगत दान वा संकलन गर्दैनन्। तर तपाईंको रगत प्रयोग हुनसक्ने कुनै-कुनै उपचार वा परीक्षण विधिहरू भने बाइबलका सिद्धान्तहरूसित सीधै बाझिंदैन। त्यसकारण आफ्नै रगत प्रयोग हुनसक्ने उपचार वा परीक्षण गराउने वा नगराउने त्यो व्यक्तिविशेषले आफ्नो अन्तस्करणको आधारमा निर्णय गर्नुपर्छ।
तथापि, निर्णय गर्नुअघि आफैलाई यी प्रश्नहरू सोध्नुहोस्: मेरो रगत शरीरबाट बाहिर पठाएर फेरि शरीरभित्रै पठाइन्छ र त्यसरी रगत शरीरभित्र पठाउनुअघि कहिलेकाहीं रगतको बहाउलाई एकछिन रोकेर पनि राखिन्छ भने के मेरो अन्तस्करण त्यसलाई स्वीकार्न तयार हुन्छ अथवा रगतको बहाउलाई त्यसरी एकछिनका लागि मात्र भए पनि रोकेपछि, त्यसलाई ‘पानीझैं भूइँमा पोखाइदिनुपर्छ’ भन्ने मेरो धारणा छ कि? (व्यव. १२:२३, २४) उपचारको सिलसिलामा मेरो शरीरबाट रगत निकालेर, त्यसलाई प्रशोधन गरी पुनः शरीरभित्र पठाइएको खण्डमा के मेरो बाइबल-प्रशिक्षित अन्तस्करण विचलित हुन्छ? आफ्नै रगत प्रयोग हुने सबै उपचारहरू इन्कार गर्नुको मतलब हेमोडाइलसिस अथवा मुटु/फोक्सोको काम गर्ने यन्त्रहरूलाई (हार्ट-लङ मेसिन) समेत अस्वीकार गर्नु हो भनेर के मैले राम्ररी बुझेको छु? के मैले निर्णय गर्नुअघि प्रार्थनापूर्वक सबै पक्ष विचार गरिसकें?b
तपाईंले के निर्णय गर्नुहुन्छ?
यसपछिका पानाहरूमा दुई वटा निर्णय पत्र छन्। निर्णय पत्र १ मा रगतबाट निकालिने केही सूक्ष्म तत्त्वहरू र त्यसको प्रचलित प्रयोगबारे जानकारी दिइएको छ। तपाईंको आफ्नो व्यक्तिगत निर्णय के हो, चिह्न लगाउने ठाउँ पनि हरेक सूक्ष्म तत्त्वको विवरणको छेवैमा दिइएको छ। निर्णय पत्र २ मा तपाईंको रगत प्रयोग हुन सक्ने केही प्रचलित उपचारहरूको नाउँ दिइएको छ। यी उपचार तपाईं स्वीकार्नु हुन्छ वा हुन्न छेवैमा चिह्न लगाउने ठाउँ पनि छ। यी दुई निर्णय पत्रहरू कानुनी मान्यताप्राप्त पत्र होइनन्। तथापि, स्थायी अख्तियारनामा कार्ड भर्दा तपाईंले यी निर्णय पत्रहरूको मदत लिन सक्नुहुन्छ।
नबिर्सनुहोस्, प्रत्येक निर्णय तपाईंकै हुनुपर्छ। अरूले आफ्नो अन्तस्करणअनुसार गरेको निर्णयको आधारमा तपाईंले निर्णय गर्नु हुँदैन। त्यसै गरी, अरूले आफ्नो मसीही अन्तस्करणको आधारमा गरेको निर्णयको हामीले आलोचना गर्नुहुँदैन। अर्को शब्दमा भन्नुपर्दा “हरेक मानिसले आफ्नै निज भार उठाउनुपर्छ।”—गला. ६:४, ५.
[फुटनोटहरू]
a जून १५, २००४ अंकको प्रहरीधरहरा-को पृष्ठ २९-३१ मा यससम्बन्धी मदतकारी जानकारी पाउन सकिन्छ।
b अक्टोबर १५, २००० अंकको प्रहरीधरहरा-को पृष्ठ ३०-३१ मा र ट्रान्सफ्युजन अल्टरनेटिभ्स्—डकुमेन्ट्री सिरिज—अन डि भि डी-मा यससम्बन्धी मदतकारी जानकारी पाउन सकिन्छ।
[Caption on page ३]
सुरक्षित राख्नुहोस्
[Caption on page ५]
निर्णय पत्र १
मसीहीहरूलाई अस्वीकार्य
रगत
प्लाज्मा
रातो रक्तकोष
सेतो रक्तकोष
प्लेट्लेट
तपाईंको व्यक्तिगत निर्णय सूक्ष्म तत्त्वहरू तपाईंले गर्नुपर्ने छनौट
आल्बुमिन—प्लाज्माको ४% सम्म
प्लाज्माबाट निकालिने प्रोटिन। बोटबिरुवा, दूध, अण्डाजस्ता खानेकुराका साथै नवजात शिशुको आमाको दूधमा पनि आल्बुमिनका अन्य प्रकारहरू पाइन्छन्। धेरै रगत बगेको खण्डमा अनि आगोले पोलेर गम्भीर चोटपटक लागेमा कहिलकाहीं भोलुम एक्सपान्डरमा (रगतको मात्रा बढाउने झोल) प्रशोधित रगतबाट निकालिएको आल्बुमिन मिसाइन्छ। भोलुम एक्सपान्डरमा २५ प्रतिशतसम्म आल्बुमिन थप्ने चलन छ। इरिथ्रोपोइटिन (इ पि ओ) लगायत अन्य थुप्रै औषधीहरूको कुनै-कुनै सम्मिश्रणमा अत्यन्तै थोरै आल्बुमिन हुन्छ।
इम्युनोग्लोबुलिन—प्लाज्माको ३% सम्म
प्लाज्माबाट निकालिने यो प्रोटिन भ्यागुते रोग, धनुष्टंकार, भाइरल हेपाटाइटिस अनि रेबिजजस्ता विभिन्न भाइरस तथा रोगहरूसित लड्न चलाइने औषधीहरूमा प्रयोग हुन सक्छ। भ्रूणको जीवन खतरामा पार्नसक्ने केही अवस्थाहरूलाई रोक्न अनि सर्प अनि माकुराको विषसित लड्न पनि इम्युनोग्लोबुलिन प्रयोग हुन सक्छ।
रगत जमाउने तत्त्वहरू—प्लाज्माको १% भन्दा कम
रगत बग्न थालेमा, त्यसलाई रोक्न प्लाज्माका विभिन्न प्रोटिनहरूले मदत गर्छ। केही बिरामीहरूको रगत बग्न थालेपछि हतपती रोकिंदैन। त्यस्ता बिरामीहरूलाई प्लाज्माको यस्ता प्रोटिनहरू दिने गरिन्छ। त्यसै गरी शल्यक्रिया गरेपछि घाउलाई बन्द गर्न र रगत रोक्न पनि यस्ता प्रोटिनहरू चलाइन्छ। रगतलाई जमाएर घाउ बन्द गर्न प्रयोग गरिने त्यस्तै प्रोटिनहरूको एउटा सम्मिश्रण, क्रायोप्रिसिपिटेट नाउँले चिनिन्छ। नोट: रगत रोक्न प्रयोग गरिने कुनै-कुनै सम्मिश्रण रगतबाहेक अन्य स्रोतबाट पनि तयार पारिन्छ।
हेमोग्लोबिन—रातो रक्तकोषको ३३%
शरीरका विभिन्न अंगप्रत्यंगहरूमा अक्सिजन पुऱ्याएर कार्बनडाइअक्साइड फोक्सोसम्म पुऱ्याउने प्रोटिन। एनेमियाले उग्र रूप लिएमा अथवा अत्यधिक रक्तस्राव भएको खण्डमा बिरामीलाई मानिस वा पशुको हेमोग्लोबिनबाट बनेको औषधी दिइन्छ।
हिमन—रातो रक्तकोषको २% भन्दा कम
पाचन, स्नायु अनि रक्तसंचार प्रणालीलाई असर गर्ने आनुवंशिक रक्तविकारको (परफिरियाको नाउँले परिचित) उपचार गर्न हेमोग्लोबिनबाट निकालिएको यो इन्जाइम निरोधक प्रयोग गरिन्छ।
जीवाणुसित लड्ने प्रोटिन (अंग्रेजीमा इन्टरफेरन)—सेतो रक्तकोषको सूक्ष्म तत्त्व
केही खास जीवाणु संक्रमण अथवा क्यान्सरसित लड्ने यस्ता प्रोटिनहरू अर्थात् इन्टरफेरन धेरैजसो रगतबाट तयार पारिंदैन। तथापि, केही चाहिं मानव सेतो रक्तकोषको सूक्ष्म तत्त्वबाट तयार पारिन्छ।
उपचार गर्न अहिलेसम्म प्लेट्लेटलाई प्रशोधन गरेर त्यसका सूक्ष्म तत्त्वहरू निकाल्ने गरिएको छैन।
[Caption on page ५]
म आल्बुमिन स्वीकार्छु
अथवा
म आल्बुमिन अस्वीकार गर्छु
[Caption on page ५]
म इम्युनोग्लोबुलिन स्वीकार्छु
अथवा
म इम्युनोग्लोबुलिन अस्वीकार गर्छु
[Caption on page ५]
म रगत जमाउन प्रयोग गरिने तत्त्वहरू स्वीकार्छु
अथवा
म रगत जमाउन प्रयोग गरिने तत्त्वहरू अस्वीकार गर्छु
[Caption on page ५]
म हेमोग्लोबिन स्वीकार्छु
अथवा
म हेमोग्लोबिन अस्वीकार गर्छु
[Caption on page ५]
म हिमन स्वीकार्छु
अथवा
म हिमन अस्वीकार गर्छु
[Caption on page ५]
म प्रशोधित रगतको इन्टरफेरन स्वीकार्छु
अथवा
म प्रशोधित रगतको इन्टरफेरन अस्वीकार गर्छु
[Caption on page ६]
निर्णय पत्र २ तपाईंको व्यक्तिगत निर्णय तपाईंको आफ्नै रगत प्रयोग गरिने उपचार विधिहरू * नोट: तल उल्लिखित विभिन्न उपचार विधिहरू चिकित्सकअनुसार फरक हुन सक्छन्। त्यसैले बाइबल सिद्धान्तसित मेल खान्छ वा खाँदैन, बुझेर आफ्नो अन्तस्करणअनुसार निर्णय गर्न चिकित्सकलाई सोध्नुहोस् र उपचार कसरी हुन्छ, बताउन लगाउनुहोस्।
उपचारको नाउँ
उपचारको लक्ष्य/ नतिजा
तपाईंले गर्नुपर्ने छनौट
(यी उपचार स्वीकार्नु वा नकार्नुअघि चिकित्सकसित कुरा गरे बेस हुन्छ।)
रगतलाई कम खेर जान मदत गर्छ। शल्यक्रिया गर्न घाउ पारेको ठाउँ वा शरीरका कुनाकाप्चाबाट रगत सोस्न यो यन्त्र प्रयोग गरिन्छ। त्यसपछि रगतलाई धोएर वा छानेर पुनः शरीरभित्रै पठाइन्छ। यो यन्त्र प्रयोग गर्दा शरीरबाट रगत यन्त्रमा र यन्त्रबाट पुनः शरीरमा कतै नरोकी एकनासले बहिरहन्छ भनेर सधैं ग्यारेन्टी दिन सकिंदैन।
रगतलाई कम खेर जान मदत गर्छ। यस विधिअनुसार शल्यक्रिया भइरहेको बेला रगतलाई ब्यागमा भरेर त्यसको ठाउँमा रक्तविहीन भोलुम एक्सपान्डर (रगतको मात्रा बढाउने झोल) शरीरमा पठाइन्छ। यसरी शल्यक्रिया भइरहेको बेला बिरामीको रगतलाई भोलुम एक्सपान्डर हालेर पातलो बनाइन्छ। यस्तो पातलो रगतमा थोरै रातो रक्तकोष हुन्छ। अन्तमा शल्यक्रिया सकेपछि ब्यागमा भरेर राखेको रगत फेरि बिरामीकै शरीरमा हालिन्छ।
रक्तसञ्चारलाई निरन्तरता दिन्छ। यस विधिअनुसार रगतलाई कृत्रिम मुटु वा फोक्सोको काम गर्ने यन्त्रमा पठाइन्छ। यन्त्रले रगतलाई अक्सिजनयुक्त बनाउँछ र पुनः बिरामीको शरीरमा पठाउँछ।
शरीरको अंगको काम गर्छ। यस यन्त्रले बिरामीको शरीरबाट निकालेको रगतलाई छानेर अनि सफा गरेर फेरि बिरामीकै शरीरमा पठाउँछ।
मेरुदण्डबाट चुहिने झोल थाम्छ। यस विधिअनुसार बिरामीको अलिकता रगत सुई दिएर मेरुदण्डलाई (स्पाइनल कर्ड) घेर्ने झिल्लीमा पठाइन्छ। यसले मेरुदण्डमा परेको प्वाल थुनेर झोल चुहिन रोक्ने काम गर्छ।
रोगको उपचार गर्छ। यस विधिअनुसार बिरामीको रगतलाई प्रशोधन गरी त्यसबाट प्लाज्मा हटाइन्छ। त्यसपछि, प्लाज्माको ठाउँमा अर्कै वैकल्पिक तत्त्व हालेर पुनः बिरामीकै शरीरमा पठाइन्छ। तथापि, केही चिकित्सकहरू बिरामीको प्लाज्मा हटाएपछि त्यसको ठाउँमा अर्को व्यक्तिको प्लाज्मा राख्न रुचाउँछन्। त्यसो हो भने, मसीहीहरूले स्वीकार्न मिल्दैन।
रोग निदान तथा उपचार गर्छ। यस विधिअनुसार बिरामीको अलिकता रगत निकालेर औषधी मिसाई पुनः शरीरमै हालिन्छ। त्यसपछि त्यो रगत शरीरको कुन-कुन ठाउँ हुँदै बगिरहेको छ, निरीक्षण गरिन्छ र शरीरको कुन भागमा संक्रमण वा रक्तस्राव भइरहेको छ, पत्ता लगाइन्छ। तथापि, औषधी मिसाउन झिकिएको रगतलाई कतिबेर पछि शरीरमै पठाइन्छ, निश्चित हुँदैन।
शल्यक्रिया गर्न शरीरमा पारेको घाउ पुर्छ अनि रक्तस्राव कम गर्छ। यस विधिअनुसार बिरामीको रगतलाई प्रशोधन गरी प्लेट्लेट र सेतो रक्तकोषयुक्त बाक्लो लेदो (जेल) बनाइन्छ। त्यसपछि, शल्यक्रिया गर्न घाउ पारेको ठाउँमा वा अरू नै कारणले घाउ लागेको ठाउँमा त्यो जेल दलिन्छ। नोट: कुनै-कुनै यस्ता जेलमा गाईको रगत प्रशोधन गरी त्यसबाट निकालिएको रगत जम्न मदत गर्ने पदार्थ हालिएको हुन्छ।
[Caption on page ६]
सेल साल्भेज
[Caption on page ६]
म स्वीकार्छु
म स्वीकार्न पनि सक्छु *
म अस्वीकार गर्छु
[Caption on page ६]
हेमोडाइलुसन
[Caption on page ६]
म स्वीकार्छु
म स्वीकार्न पनि सक्छु *
म अस्वीकार गर्छु
[Caption on page ६]
हार्ट-लङ मेसिन
[Caption on page ६]
म स्वीकार्छु
म स्वीकार्न पनि सक्छु *
म अस्वीकार गर्छु
[Caption on page ६]
हेमोडाइलसिस
[Caption on page ६]
म स्वीकार्छु
म स्वीकार्न पनि सक्छु *
म अस्वीकार गर्छु
[Caption on page ६]
इपिड्युरल ब्लड प्याच
[Caption on page ६]
म स्वीकार्छु
म स्वीकार्न पनि सक्छु *
म अस्वीकार गर्छु
[Caption on page ६]
प्लाज्माफेरिसिस
[Caption on page ६]
म स्वीकार्छु
म स्वीकार्न पनि सक्छु *
म अस्वीकार गर्छु
[Caption on page ६]
लेबलिङ वा ट्यागिङ
[Caption on page ६]
म स्वीकार्छु
म स्वीकार्न पनि सक्छु *
म अस्वीकार गर्छु
[Caption on page ६]
प्लेट्लेट जेल; अटोलोगस
(अटोलोगसको अर्थ: “तपाईंको आफ्नै रगतबाट तयार पारिएको”)
[Caption on page ६]
म स्वीकार्छु
म स्वीकार्न पनि सक्छु *
म अस्वीकार गर्छु