के तपाईंलाई सम्झना छ?
के तपाईंले प्रहरीधरहरा पत्रिकाका हालैका अङ्कहरू ध्यान दिएर पढ्नुभयो? उसोभए, तपाईं निम्न प्रश्नहरूको जवाफ दिन सक्नुहुन्छ कि:
कुन अर्थमा सुलेमान हाम्रो लागि चेतावनीमूलक उदाहरण हुन सक्छन्?
परमेश्वरले राजा सुलेमानलाई आशिष् दिनुभयो र तिनलाई आफ्नो सेवकको रूपमा रोज्नुभयो। तर आफ्नो शासनकालमा तिनी परमेश्वरको सल्लाहअनुसार चल्न छोडे। तिनले फिरऊनका मूर्तिपूजक छोरीहरूसित विवाहबारी गरे, धेरै पत्नी राखे अनि झूटो उपासना गर्ने मूर्तिपूजक स्त्रीहरूले जे-जे गरे तिनले पनि बिस्तारै त्यही-त्यही गरे। हामीले बिस्तारै आफूमा गलत मनोवृत्ति अथवा झुकाव विकास हुन दिनु हुँदैन। (व्यव. ७:१-४; १७:१७; १ राजा ११:४-८)—१२/१५, पृष्ठ १०-१२.
प्रथम शताब्दीदेखि यता केही साँचो अभिषिक्त ख्रीष्टियनहरू पृथ्वीमा सधैं छन् भन्ने निष्कर्षमा हामी किन पुग्न सक्छौं?
येशूले बताउनुभएको “गहुँ” र “सामा”-को दृष्टान्तमा “असल बीउ”-ले “राज्यका सन्तान”-लाई बुझाउँछ। (मत्ती १३:२४-३०, ३८) कटनीको समय नहोउन्जेल सामा गहुँसँगसँगै बढ्नेथियो। त्यसकारण कुन व्यक्ति अथवा समूह गहुँ वर्गका थिए भनेर हामी यकिनका साथ भन्न त सक्दैनौं तैपनि आज हाम्रो समयसम्म पनि त्यस्ता मानिसहरू छन् भनी हामी पक्का हुन सक्छौं।—१/१५, पृष्ठ ७.
ईर्ष्या गर्ने झुकावविरुद्ध हामी कसरी लड्न सक्छौं?
हामीलाई मदत गर्न सक्ने कुराहरू यसप्रकार छन्: प्रेम र भ्रातृस्नेह विकास गर्ने कोसिस गर्नुहोस्, परमेश्वरको डर राख्ने मानिसहरूसित सङ्गत गर्नुहोस्, असल काम गर्ने मौका खोज्नुहोस् अनि ‘रमाउने मानिसहरूसित रमाउनुहोस्।’ (रोमी १२:१५)—२/१५, पृष्ठ १६-१७.
सल्लाह दिंदा हामीले कस्ता सिद्धान्तहरू मनमा राख्नुपर्छ?
वास्तविक अवस्था बुझ्नुहोस्। जवाफ दिन नहतारिनुहोस्। नम्र भई परमेश्वरको वचन प्रयोग गर्नुहोस्। सम्भव छ भने, परमेश्वरको सङ्गठनले तयार पारेका प्रकाशनहरू प्रयोग गर्नुहोस्। अरूको लागि निर्णय नगरिदिनुहोस्।—३/१५, पृष्ठ ७-९.