YENO 2
Co Seseko Ne Netiti Du Hmengo Ko
“Ono re hnei Madaru hna ithurajeuon, hage co cengebot yawe hnei ngom.”—Mareko 10:9
Iehova ci awa eje co “hnoron’ o re ci ran.” (Mika 6:8) Melei nidi ace ri ci acehmenuen, wen’ o re ngei ma deko ma rue inomelei, ile me tako ko re ci uroi. Ci uroi ko re ci anereni o re ci ran.
Ri ta rane onom, ha tako ko re seseko ri mariage. Ulelo tru ko re ace co rue bane aserepodeni o re mariage.
1 RUELO O RE ACE ME NIDI ACE SON’ O RE MARIAGE
CI IE KO NGE KEI TUSI HMIJOC: “Ha thu tubunide ke buhnij’ o re nodei ace me etha sesako.” (Filipi 1:10) Mariage hmengo ko re nidi ace ri ci roi ni hmengo. Ace me hnadan.
Iehova ci alane ko bua co uletedren’ o re cahmanieni ca hmenue ni bua, ne “co menenge opodonelo” ne bon. (Thu Pule 9:9) Co ahnga du Nubonengo ko dekolo ke bua co nua cili bon, ke roidi hmengo co ruo se ace bane aopodoneni hmengo sese. (1 Korinito 10:24) Aehngeni du bone ko bone nidi ace du bua, ka bua ci nidi didio bon.
NGE KO RE BUA THUNI CO RUE:
Hneconelu ko co iara ile sese ke hmengo thu co bone so ko re bua co wahnacoron
Co uane “ethew” ke deko ma “inu”
2 CUMO ROION’ O RE HNORE NI BUA
CI IE KO NGE KEI TUSI HMIJOC: “Ono re ngome ci ule o re hmenewe ne ci rereuo nubone, ha ase ke nubone hna othewaea ne nubone ri hnor.” (Mataio 5:28) Ngei bua me iara uan’ o re ta ace me tho ri hnor, ile bua co rue o re nia ri tadani cahmane ca hmenue ni bua.
Iehova ci beredone ko nidi ace co “cumo roion’ o re hnore ni nubo.” (Ta Onatre 4:23; Jeremia 17:9) Inomelei, cumo roion’ o re rue waegogo ni bua. (Mataio 5:29, 30) Hue lewelo o re tu ni Iopu hna ekonejeu ne il’ o re rue wegogo ni bon thu deko co ule ne rereuon’ o se hmenew. (Iopu 31:1) Nidi dekolo co ule o re ci aehngeni pornografi. Hngoronatan’ o re hnore ni bua ha thu deko co hnoronedi o se hmenew.
NGE KO RE BUA THUNI CO RUE:
Aehngeni roione jeu’ osotene ko bua nidi tedrepode ne hmenue ni bua ca cahmanieni bua
Nidi aconelo o re ta uane ri hnore ni bon, ka agonenilu o re ta ihuejeu ci aniani o re ci roi ni hmengo