Tseya shoka shi li mOohapu dhaKalunga
Ombiimbeli oyi na etumwalaka lyaKalunga, nenge tu tye, oohapu dhe ndhoka e tu nyolela kunena. Otayi tu lombwele shoka tu na okuninga, opo tu pondole monkalamwenyo nosho wo tu kale twa hokiwa kuKalunga. Otayi yamukula wo omapulo ngaka taga landula:
7 Ombiimbeli oya hunganeka shike kombinga yomasiku ngaka tu li mugo?
8 Mbela otu na okupa Kalunga ombedhi sho aantu taya mono iihuna?
12 Mbela aaholike yetu mboka ya sa, onatu ke ya mone ngaa sikulimwe?
13 Ombiimbeli otayi ladhipike mbela aantu ya kale haya longo nuudhiginini?
14 Oshike tashi ke ku kwathela wu longithe iiniwe yoye nawa?
16 Oshike tashi vulu ku ku kwathela wi idhidhimikile oothina dha mbandayevi?
17 Ongiini Ombiimbeli tayi vulu ku kwathela aantu ayehe megumbo?
18 Oshike tashi vulu oku ku kwathela wu hedhe popepi naKalunga?
19 Etumwalaka lini tali adhika momambo ogendji ngoka ge li mOmbiimbeli?
20 Owu na okuninga shike wu mone uuwanawa wa dhenga mbanda ngele to lesha Ombiimbeli?
NKENE TO VULU OKUMONA OOVELISE MOMBIIMBELI
Ombiimbeli ayihe kumwe oya thikama po muumbo uushona wu li 66. Oya topolwa miitopolwa iyali: Shimwe Omanyolo gOshihebeli nagamwe gOshiaramea ngoka hagi ithanwa (“Etestamendi Ekulu”). Oshikwawo Omanyolo gOshigreka ngoka hagi ithanwa (“Etestamendi Epe”). Embo kehe li li mOmbiimbeli olya thikama po moontopolwa nosho wo moovelise. Ngele omanyolo taga longithwa moshileshomwa shika, nena onomola yotango ndjoka ya landula edhina lyembo oyo ontopolwa, nonomola nenge oonomola ndhoka dha landula ko odho ovelise nenge oovelise. Pashiholelwa, mpoka pwa nyolwa Genesis 1:1, otashi ti kutyaGenesis ontopolwa 1, ovelise 1.