Omadimbulukifo e na sha nEdimbuluko

Ovakulunhuongalo ove na okuyandja elitulemo koitwa tai landula:

◼ Omungome nomaviinyu kae na okulitambekidwa fimbo etango inali ningina.

◼ Omu na okulongekida omungome tau wapalele nokukonga omaviinyu taa wapalele. — Taleni Oshungonangelo yOshiwambo ye 1 Marsa 2003, epandja 10-11 (mOshiingilisha oyo 15 Februali 2003, epandja 14-15).

◼ Oshitaafula sha yalwa nawa, ouyasha vomingome, omaholo ile ouhalasha vomaviinyu oi na okukala ya tulwa nale peenhele ofimbo okwoongala kwEdimbuluko inaku hovela.

◼ Olupale lOuhamba ile onhele oko taku ka ningilwa Edimbuluko oi na okuwapalekwa nawa kuyele.

◼ Ovayakuli ovo tava ka yakula pEdimbuluko ove na okuhoololwa manga pepi nokushiivifilwa kutya otava ka kala ve na oinakuwanifwa ilipi nomilandu odo ve na okushikula; ove na yo okudimbulukifwa va djale monghedi i shii okufimanekwa.

◼ Ngeenge ope na omuvaekwa ta vele noita dulu okukala po pokwoongala kwEdimbuluko, napa ningwe omalongekido opo a ka pelwe omungome nomaviinyu konhele oko e li.

◼ Ngeenge ope na omaongalo e dulife pulimwe oo taa ka ningila Edimbuluko mOlupale lOuhamba limwe, oku na okulongela kumwe opo ovo tava i mo tete va pitife mo oyeendifo yavo kuyele nova yapukile vakwao, opo paha kale omikweyo diledile.

◼ Ngeenge eongalo otali ka longifa onhele imwe i lili, shilipalekeni kutya omu na omambako a wana notaa longo nawa, opo ovapwilikini aveshe va dule okupwilikina nawa koshipopiwa shEdimbuluko.