Shoka tatu vulu okutya ngele tatu gandja iifo

Oshungonangelo 1 Jan.

“Pethimbo lyiituthi yomafudho muDesemba, aantu oyendji oya li ya kambadhala okukala nayalwe nombili noku ya sila ohenda. Ito dhiladhila mbela kutya uuyuni mbuka otawu kala ehala ewanawa ando aantu oya li haya silathana ohenda omumvo aguhe? [Tegelela a yamukule. Nopo nduno, lesha 1 Petrus 3:8.] Oshifo shika otashi yelitha kutya okukala nohenda oku na ongushu notashi popi omikalo dhimwe tadhi longo nkene tatu vulu oku yi ulika.”

Awake! Jan.

“Ondjokana kehe oyi na omaupyakadhi gontumba. Oto dhiladhila ngiini: Openi aaihokani taya vulu okwaadha omayele ge shi okwiinekelwa? [Tegelela a yamukule.] Tala komayele ngaka taga longo. [Lesha Aaefeso 5:22, 25.] Oshitopolwa shika otashi yelitha kutya otashi ti shike komukulukadhi okukala ha vulika komusamane gwe.” Mu ulukila oshitopolwa shoka tashi tameke pepandja 28.

Oshungonangelo 1 Feb.

“Aantu oyendji ohaya galikana Oshilongo shaKalunga nenge Uukwaniilwa we wu ye. Pashiholelwa, tala kegalikano ndika lya tseyika apuhe ndyoka Jesus a longa aalanduli ye. [Lesha Mateus 6:9, 10.] Owi ipula nale mbela kutya Oshilongo shika nenge Uukwaniilwa mbuka oshike nonokutya otawu ke ya uunake? [Tegelela a yamukule.] Moshifo shika oto ka mona shoka Ombiimbeli tayi ti kwaashoka.”

Awake! Feb.

“Molwaashoka omiyonena odhi indjipala, aantu oyendji oye uvite inaaya gamenwa. Mbela oto dhiladhila kutya onkalo onayi ka hwepopale ngaa? [Tegelela a yamukule.] Tala kehunganeko ndika lihokitha mOmbiimbeli. [Lesha Episalomi 37:10.] Oshifo shika otashi popi kutya osheetithi shomiyonena oshike notashi ulike wo okuza mOmbiimbeli kutya oshike tashi dhi kandula po.”