Elandulathano lyoshiwike sho 27 Juni

OSHIWIKE TASHI TAMEKE NO 27 JUNI

Eimbilo 123 negalikano

□ Ekonakonombiimbeli lyEgongalo:

fy ep. 155-158, okat. 7-12 (ominute 25)

□ Osikola yUukalele woPauteokratika:

Elesho lyOmbiimbeli: Omapisalomi 52-59 (ominute 10)

Eendululo lyOsikola yUukalele woPauteokratika (ominute 20)

□ Okugongala kwoPailonga:

Eimbilo 106

Ominute 10: Omatseyitho. “Ondi na okuyalula ethimbo li thike peni muukalele?” Oshipopiwa tashi gandjwa komukuluntugongalo. Konima ngele oshipopiwa sha pu longitha omaetopo ngoka ge li pepandja eti-4 opo wu ulike nkene ekonakono tali vulu okutamekwa mOlyomakaya yotango yaJuli. Ladhipika ayehe ya kuthe ombinga.

Ominute 10: Ilongekidha oku ka gandja iifo yaJuli. Oonkundathana naapulakeni. Ngonga paufupi iikalimo yiifo muule womunute gumwe nenge mbali. Hogolola mo iitopolwa iyali nenge itatu e to pula aapulakeni kutya omapulo nomanyolo geni taya ka longitha moku yi ulukila aantu. Napu ningwe euliko nkene oshifo kehe tashi vulu okugandjwa.

Ominute 15: Popya momukalo omwaanawa uuna tu uvitha. Oonkundathana naapulakeni dha kankamena kembo Ofikola yOukalele epandja 197 sigo epandja 200, okatendo 1. Napu ningwe euliko omuuvithi ta yamukula nayi omuntu ngoka e mu pula epulo ndyoka hali pulwa olundji muukalele. Napu ningwe wo euliko lilwe omuuvithi ta yamukula epulo olyo tuu ndyoka momukalo omwaanawa.

Eimbilo 92 negalikano