“Ondi na okuyalula ethimbo li thike peni muukalele?”

Mbela owa pula nale epulo ndyoka? Uuyelele kombinga yaashoka otawu adhika pepandja 86-87 membo Organized. Omathimbo gamwe ohapu gandjwa uuyelele kombinga yaashoka, pashiholelwa, tala Oshimpungu shomapulo mUukalele Wetu wUukwaniilwa waSeptemba 2008. Kapu na omusholondondo goompango kombinga yaashoka, molwaashoka oonkalo dhaantu odha yoolokathana. Onkee ano, ka shi li pandunge opo aakuluntugongalo nenge yalwe ya tule po omukalo gokondandalunde nkene shi na okuningwa.

Ngele opu na epulo, ihe kapu na uuyelele washa wu li miileshomwa yetu, omuuvithi kehe ota vulu okwiipula ta ti: Mbela ethimbo ndika onde li longitha ngaa shili muukalele? Nenge onde li longitha moshinima shilwe inaashi pamba uukalele? Shoka hatu udhitha molopota yetu yiilonga omwedhi kehe, oshi na oku tu etela enyanyudha, ihe kashi na okuningitha eiyuvo lyetu li kale tali tu nyenyetele. (Iil. 23:1) Elalakano lyetu okuya muukalele kali shi oku ka yalula oowili, ihe okulongitha nawa ethimbo mokulonga nuudhiginini. — Heb. 6:11.